張振朗遺憾無得變人乾

台慶劇《拳王》的劇情愈來愈緊湊，前晚一集中，張振朗為決戰拳手「鬼影」而減磅，最後他成功過磅，可惜輸掉拳賽。振朗坦言這場過磅戲拍得辛苦又遺憾：「本身拍呢場戲我想甩水甩到勁乾，有真實感啲，但因為我開劇前已經甩過一次水；拍咗兩個月左右，上擂台前又甩一次，教練話我唔可以喺兩個月內甩三次水，所以我就無咁做。」他表示當時連續拍攝打擂台戲，「呢場戲係連續打嘅第五至六日左右，當時無論戲內戲外都好攰，打到唔想講嘢。」