劉嘉玲56歲搞華麗花海生日宴 梁朝偉被中女啜面「眼神求救」

噚日係劉嘉玲嘅56歲生日，近排喺內地生活嘅佢，日前喺上海搞咗個大型生日宴會，現場以大量鮮花佈置，華麗得嚟好fancy，打卡真係一流！除咗主角嘉玲之外，佢老公梁朝偉都成為焦點，男神引嚟唔少賓客「集郵」，其中一張相偉仔嘅「表情管理」就引起咗網民熱烈討論！

同場加映：MIRROR半塊鏡開騷│Jer爆女友捧場但未修補關係 受訪時好兄弟肉緊幫手箍煲

{{hket:ul-video id="4841"}}{{/hket:ul-video}}

{{hket:inline-image name="265496764_6867578356585555_3133076255414746117_n.jpg"}}{{/hket:inline-image}}

當晚獲邀出席嘅賓客都盛裝打扮到場，嘉玲人緣甚廣，除咗一班名媛闊太之外，仲有唔少圈中好友，大家熟悉嘅面孔楊千嬅、周汶錡等都有出席。作為主人家嘅嘉玲，身穿黑色Deep V晚裝，盡騷妙曼曲線，再戴上名貴紅寶石頸鍊，雍容華貴，艷壓全場！偉仔罕有post出一家人溫馨合照，相中見嘉玲媽媽、弟弟及弟婦都有出席，企正中間嘅老公梁朝偉輕攬太太纖腰，畫面100分。

型到爆嘅偉仔係party另一焦點，向來唔太喜歡交際應酬嘅佢呢晚都為太太變「社交蝴蝶」，成為賓客集郵目標！見佢來者不拒，一一同對方合照，其中有中年女性攬實偉仔，另一張相更加係嘴唇貼住偉仔塊面，非常親密，唔知仲以為佢先係女主人呀！偉仔經驗豐富似乎都有啲不知所措，表情僵硬，露出「尷尬又不失禮貌的微笑」，同時瞪大眼睛似係用眼神求救，一刻表情可以交代到咁多意思，真係影帝級嘅演員。網民都戥偉仔「被抽水」而嬲嬲，留言︰「此刻他內心應該是想報警求助」、「如果男女角色轉換已經是犯罪了吧」大家都大讚佢有風度，同時斥責呢位女士太肉緊呀！