【聲明】港生活網站並無進行電話推廣活動

視呂爵安為勁敵 MC張天賦對歌曲落榜感失望

發佈時間: 2021/12/10

各大樂壇頒獎禮舉行在即,對於早前有傳商台為打壓男新人大熱之一的MC張天賦,將其歌曲《記憶棉》強行落榜,以鋪路讓MIRROR成員呂爵安(Edan)奪獎。MC昨日出席活動時,對落榜一事表示失望,又直認視Edan為勁敵,但對奪獎仍充滿信心。

MC張天賦、陳凱詠(Jace)及倪晨曦等昨日到尖沙咀出席鞋履品牌活動,對於新歌《記憶棉》疑遭商台打壓而落榜,MC坦言感到失望︰「其實我都唔係好知成件事係點,惟有做好自己嘅音樂,其他嘢就交畀公司處理。(視Edan為新人獎勁敵?)一定係㗎啦,最近佢幾首歌我都好鍾意,加上佢啲fans非常強大,所以係好大嘅對手,但我對自己一定有信心。」

對於《記憶棉》打入叱咤「我最喜愛的歌曲」15強,MC感謝樂迷的投票,但他坦言很少拉票︰「做音樂嘅時候就已經當係拉票,至於攞唔攞到獎就以平常心看待。」MC最近頻頻出席公開活動,他直言少了休息時間︰「其實每日都有六至七個鐘瞓覺,但係我想有八至十個鐘(睡眠時間),不過自己有時做完嘢,返到屋企又掛住彈結他同打機,都要重新編排下作息時間。(目前單身應該有時間休息?)都唔係㗎,我都要多啲休息時間。」

陳凱詠緊張到腦抽筋

此外,明日將舉行演唱會的Jace,開騷前仍密密出席公開活動,她坦言部分工作很早之前已安排好,所以現時要陰聲細氣說話,但心情非常緊張。Jace表示︰「因為係我人生第一次開兩場賣飛演唱會,開show前仲好認真去諗點樣做,反而個腦會抽筋,擔心好多無謂嘢;不過上到台我知自己會做得好好,全程投入去enjoy,都驚會開心到喊。」

採訪︰Pauline

美術︰梁政敏

攝影︰林良明

視呂爵安為勁敵 MC張天賦對歌曲落榜感失望

Jace笑言現時會盡量少說話。