懶理梅媽斷絕母子關係 梅啟明︰佢想點講就點講

梅啟明日前入稟高等法院，控告電影公司安樂影片有限公司，指其製作發行的電影《梅艷芳》侵犯版權，並要求作出賠償；而過往與梅啟明同一陣綫的梅覃美金（梅媽），今次一反常態怒罵兒子財迷心竅，更揚言不排除斷絕母子關係。梅啟明前晚接受無綫訪問，表明懶理梅媽的言論。

無綫《娛樂頭條》前日原本正採訪電影《梅艷芳》女主角王丹妮有份出席的活動，但意外在街頭偶遇梅啟明。戴住口罩的梅啟明大方回應官司一事，期間愈說愈激動，說到口罩也移位，他表示︰「呢件事發生嗰時，已經講咗亦畀咗信電影公司，我前後畀咗三封信電影公司，都無一個正式答案或回應。」提到有網民質疑他在電影開拍時不作出交涉，梅啟明反問︰「人哋拍緊嗰陣都唔知佢拍乜，都未成一件事，點告人呀？」至於會否跟電影公司和解？他說︰「我估佢會同我傾，唔傾都無計，唔傾就法庭見。」

王丹妮做好份內事

梅媽日前公開反對梅啟明入稟，更揚言要斷絕母子關係，梅啟明指︰「講真吖，老人家嘅嘢，唔知所謂嘅商標，佢想點講就點講，我有同佢講過，仲帶埋佢去睇套戲，所有嘢都侵犯晒，阿梅就係阿梅，所以梅艷芳就係梅艷芳。」對於被網民封為「遺產界KOL」，梅啟明表現激動︰「呢個時間我都想出街話畀大家知，我係咪個唔做嘢嘅人呢？喺香港我乜都有做，啲人話我行行企企，我做嘢使唔使同大家交代？」

及後主播許文軒問王丹妮有關梅啟明提告一事，王丹妮表示︰「我只係演員，件事交番畀電影公司去處理，大家努力做好自己嘅事，做好宣傳。」

撰文︰倪小珊

美術︰顏玉玲