陳彥行鄧兆尊返無綫齊齊幸福肥 登對CP未能修成正果網民感可惜

現年45歲嘅陳彥行（行姐）日前與一班《皆大歡喜》嘅老友鄧兆尊、阮兆祥以及車婉婉，一同與薛家燕有份主持嘅新節目《麻雀鬥室三決一》進行錄影，影片可見一向身材惹火嘅行姐發福唔少。

同場加映：十月初五的月光｜50歲康華渴望再當上女主角 「一定要保持住呢個heart」

{{hket:ul-video id="4852"}}{{/hket:ul-video}}

{{hket:inline-image name="t019e164816c5525917.jpg"}}{{/hket:inline-image}}

行姐當年憑姣好身材與曹眾、姚瑩瑩、傅明憲、彭子晴並稱為「無綫五美」，更係無綫力捧花旦之一，於2001至2002播出的長篇古裝喜劇《皆大歡喜》中，扮演潑辣三姑娘「金日」一角，演技大獲好評，獲得觀眾關注及留意。2006年，行姐與無綫結束12年賓主關係，一度轉投亞洲電視，近年亦有同思浩、李麗蕊主持電台娛樂節目《大家「真」風騷》。

仲記得當年行姐、兆尊因為喺古裝版、時裝版《皆大歡喜》中演夫妻、情侶而傳出緋聞；二人最後都冇「修成正果」，廿年後嘅今日「合體」，齊齊身形脹爆，都可以話係另類緣份！

當年行姐、兆尊嘅緋聞傳到真嘅一樣，男方都有公開講過對行姐的確有好感，曾說︰「梗係唔會（一齊）啦！你諗吓當時我身邊已經有個人（大婆），點會去辜負行姐？我唔係一個食嘢唔抹嘴嘅人，你問我嗰時對佢有冇感覺？係有少少感覺嘅，但始終入行時應承咗阿爸，我唔可以追圈中人，唔可以同圈中人發生男女關係嘛！其次係冇理由咁樣去糟蹋一個女仔。」兆尊更加話唔係行姐肯唔肯做「阿二」嘅問題，「一個衰男人食咗先算有幾困難？要追求行姐易到痹，但做唔做得出就係你道德問題。」原來放手絕非愛得不夠，只係離開也是愛，唔一定要得到，係另一個層次嘅愛呀！

唔少網民都覺得可惜，二人最終唔能夠一齊，喺網上留言討論：「係我覺得最襯嘅熒幕CP」、「行姐索過兆尊而家三個女友好多」、「唔知佢哋最終一齊咗會唔會結婚生仔」……激情握喺手中會化為灰燼，反而留喺心裏面會歷久常新，就等觀眾永遠對呢pair「熒幕CP」停留喺當年嘅印象啦！

撰文：黃蘊姿