姚子羚想搵林盛斌做媒

姚子羚昨日出席台慶劇《拳王》活動，提到劇集收視一般，她表示跨平台收視尚算不錯：「我好多朋友都有睇，話我今次演出內歛咗。（有信心爭視后？）今屆好多熱門，好似Linda（鍾嘉欣）啱啱返咗香港，仲有好姊妹黃智雯，我希望智雯攞到，係時機㗎啦。」

另外，提到網民大讚子羚的主播妹妹饒慧珊素顏十分靚女，子羚笑說：「妹妹啱啱轉工，無再做主播，佢本身有獨特氣質，令人好想親近佢，不過佢對幕前無興趣，佢都係做少奶奶好喇。」子羚笑言自己也有追求者，問她可會找「金牌媒人」林盛斌（Bob）介紹男仔？她笑說：「要問下先，唔知佢手頭上仲有無。（擇偶條件？）有責任心同孝順好緊要，孝順仔唔會衰得去邊。」

攝影：林良明