由蝦頭楊詩敏和連詩雅（Shiga）主持的網台節目《絲打圍爐》最近一集邀請娟姐練美娟擔任嘉賓，三女大談「最討厭男人的十個行為」，在未抽題目之前，娟姐認為最難接受男人怨言多，不斷放負，而Shiga則最怕男人大脾氣，雖然曾經跟大脾氣的男仔拍拖，不過最終都馴服到對方，娟姐笑言：「我本身都係硬，所以相信馴服唔到對方，所以我之前曾經同男朋友打交，當然係情侶嗰種動粗，唔係真實版。」
同場加映：十月初五的月光｜ 姚嘉妮恨見「萬朱莎華」陳曼娜 擔心角色太衰 擬去泰國避風頭
絲打圍爐│鄭融與蝦頭超開放談「洋腸」話題 網友斥：連詩雅港女長期有偶包【下一頁】
娟姐提到男友有「契妹」完全接受不到，「邊得嚟咁多契妹？之前有個男朋友有幾個契妹，我想問你好缺妹妹同親人咩？契個妹為咩呢？我覺得契妹係追唔到或者得唔到，先夾硬有啲關係，上契容易呀，咁落契難唔難？」而蝦頭指生命入面出現過一個重要的人，她形容對方是「契機」，被娟姐笑她搞爛Gag！
娟姐提到之前的一段感情大受傷害，「佢同我拍拖半年，我都好奇怪，每逢紅日假期佢都係有嘢做呀喎，但佢份工...類似你當保險咁啦，無可能無假期呀？（幾時發現出事？）其實之前一直都相安無事，但女人直覺好準，見到唔對路，後來就Check佢發現每次紅日都同另一個女仔出去。我做正印要做嘅嘢啦，主動去搵嗰個女仔，我同佢講唔好再搵我男友，點知佢話我知，佢哋已經拍咗4年拖，我先係第三者。」娟姐坦言這次事件之後，令她大受打擊，「呢件事真係好癲，事後我對愛情好謹慎，所以4年都未有拖拍，梗係有陰影啦！」
裕美爆男友性癖貪自己「夠姣」 網民體諒林作媽：冇奶奶接受到佢【下一頁】
娟姐指曾經借錢給同一個男友，借出5位數字，「分手之後，我要追番嚿錢，真係追九條街先追到。」蝦頭聽畢立即說：「條仔真係好乞人憎嘅渣男啦，佢瞞住你有個拍拖4年嘅女朋友，仲要問你借錢，根本就係騙財騙色！」娟姐直言不一定要結婚，但很希望擁有自己的小朋友，所以不排除往後將會做雪卵的動作。
Shiga主持節目以來，被不少網友指她思想港女又不及蝦頭開放傾兩性話題，該集談到男人的誠信，蝦頭稱曾經有男士向她講「我愛你」，但堅持不會講「我永遠愛你」，因為不能夠確保永遠。連詩雅即時衝出來認同，她說：「我同意呀，我永遠都唔會講永遠！」即時令蝦頭同娟姐爆笑。
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉