方力申慨嘆過單身聖誕

方力申（小方）昨日出席《「超越理想成就非凡」嘉許典禮》，活動旨在推動退役運動員發展第二事業。運動員出身的小方十分推薦這個活動，他說︰「可以畀現役嘅運動員更多其他機會，發展其他方面嘅才能，但係上一代嘅運動員欠缺社交技巧，所以希望呢個活動可以幫助到佢哋。」

問單身的小方在感情上有甚麼進展？他笑言︰「之前玩過網上交友app，但因為要用身份證驗證，所以無再玩，我諗今年應該又係一個人過lonely Christmas㗎啦；不過依家疫情緩和咗，如果有朋友搞party，去結識下新朋友都幾好。」提到好兄弟林盛斌（Bob）是圈中的「金牌媒人」，小方何不找對方幫忙？他苦笑謂︰「就係兄弟先至講，佢搞到其他人覺得我好似識好多女仔咁，但我都單身咗五年，證明我對感情幾咁認真，但同人講都無人信。」

採訪︰Pauline

攝影︰林良明