十月初五的月光｜姚嘉妮預告結局唔似陳曼娜咁慘 「總之我受到應得嘅懲罰…」

無綫台慶劇《十月初五的月光》今個星期大結局，主角之一的「萬朱莎華」姚嘉妮性格逐步黑化，昨晚（14日）劇情講到她被老公「萬世光」林偉發現密謀騙其財產後，憤而出手掌摑她，兩公婆決裂；而今晚（15日）女兒「沛琪」鄺潔楹在街上遭到「金勝」郭子豪等人伏擊，因此受傷毀容。萬朱莎華連番受挫之下，作出不理後果的錯誤決定。

{{hket:inline-image name="IMG_2930.JPG"}}{{/hket:inline-image}}

{{hket:inline-image name="12152004.jpg"}}{{/hket:inline-image}}

{{hket:inline-image name="12152003.jpg"}}{{/hket:inline-image}}

同場加映：十月初五的月光｜ 姚嘉妮恨見「萬朱莎華」陳曼娜 擔心角色太衰 擬去泰國避風頭

{{hket:ul-video id="4873"}}{{/hket:ul-video}}

2000年舊版「萬朱莎華」陳曼娜的結局悲慘，大仔沛堅、細仔沛祺在車禍中死去，她大受打擊而失常，老公「萬世光」劉丹退出賭業，二人於別墅隱居。姚嘉妮今次從陳曼娜手上接棒演出，引起坊間不少迴響，可謂得到觀眾認同；這日她接受《晴報》訪問，追問萬朱莎華的下場是否與舊版本相似，姚嘉妮大賣關子話：「無咁慘……都係感人嘅……我只可以咁講。（失去身邊人？）你哋要留意，總之我受到應得嘅懲罰，最尾要承受番一啲後果，當中有好，有唔好。」

十月初五的月光│莎華報復君好要海景叔斟茶認錯 姚嘉妮演出衰到爆 觀眾睇到嬲【下一頁】

姚嘉妮同林祖輝結婚多年，育有1子1女，一家四口很幸福。對於多年來夫妻相處之道，她認為雙方要懂得忍讓、包容，婚姻才會長久，「劇入面同老公林偉好似一對生意夥伴，我知佢有小三，佢又知我鍾意祝展輝（海俊傑飾），大家喺度抗衡緊，之後喺生意上攞番利益就ok。當然現實生活中唔希望發生咁嘅事，一段感情耐咗一定要忍讓，點解萬朱莎華同老公嘅關係，或者一啲去到中年嘅夫妻，咁上下感情淡咗，冇咗愛火花，大家係要知道點樣包容，接住落去點生活，呢個係好高嘅學問。夫妻相處包容係最緊要。」她明言好憎恨萬朱莎華的性格，「因為同自己本身完全相反。」好希望今次做到反面教材，讓觀眾知道這樣的性格會令身邊人好辛苦，「有錢唔係高高在上，而係要識得尊重別人。」

（↓點擊放大睇圖片↓）

至於是否有信心在台慶頒獎禮上獲取角色獎項，她謙虛表示：「候選人有好多，其他人都做得好好，可能劇集好早播出街，而家迴響稍為靜咗少少，相對仲播緊嘅劇，討論程度再犀利啲啲。所以平常心去睇，得獎當然好開心，係一個好大bonus，得唔到亦係平常心去接受。其實唔單止香港，馬來西亞、新加坡同美加嘅粉絲都好支持，話投我一票，呢個係好感動，能夠令到觀眾接受你演繹嘅角色、鍾意你，再到投你一票，真係一件好開心嘅事；我係好珍惜呢個時刻，覺得已經贏咗。」

撰文：梁榮達

服裝：111 korean fashion、more

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}