周大福1600萬足金城堡 慶珠寶店進駐迪士尼1周年

唔少人都係迪士尼樂園嘅粉絲，黛安知道，香港迪士尼同周大福向來有緊密合作，推出過多款樂園獨家產品，最近為慶祝「城堡珠寶店」喺樂園「奇妙夢想城堡」登場1周年，雙方合力打造咗一座估值約$1,600萬嘅足金「奇妙夢想城堡」，足金含量約232両，蘊含咗13個迪士尼公主及女王嘅故事，歷時兩年精雕細琢，極具收藏價值。聽聞足金城堡首位持有人更可尊享終生免費入香港迪士尼樂園嘅通行證，但詳情要稍後先公布。

另外，一系列全新迪士尼公主及女王主題首飾已登場，其中「迪士尼公主」金章套裝售價$4,600，一套12枚金章正面係迪士尼公主頭像；而「愛莎及安娜」金章套裝則售$870，包括2枚金章。