陶大宇早前被網民瘋傳在內地登台和商演時，必唱飲歌《倒轉地球》的片段，其唱腔、台風都令網民睇得過癮，因而在Facebook開了一個名為「我老婆鍾意咗陶大宇導致婚姻關係破裂關注組」的專頁，不過現已改名為「齊齊推過氣師奶殺手陶大宇上返神台關注組」，並吸納了1.5萬位成員加入，不時轉載陶大宇的消息、影片。
同場加映：十月初五的月光｜50歲康華渴望再當上女主角 「一定要保持住呢個heart」
身在內地的陶大宇現時人氣高企，就連「娘家」無綫的《娛樂頭條》都要專程找他做訪問，早前更以拍片形式為大型籌款節目《歡樂滿東華》獻唱《倒轉地球》，「水撥手」和「噓」聲都有出現，簡直炒熱全場。一首《倒轉地球》，令陶大宇多了很多工作的機會，他又有否想過，一首歌可以令事業有所改變？
陶大宇今日接受《晴報》訪問，他笑說：「老實講，其實由初頭至今，我冇唔同咗，仍然係我，只係《倒轉地球》首歌唔同咗啫！」對於無綫總經理（節目內容營運）曾志偉昨日表示，有意邀請陶大宇出席明年1月2日無綫台慶頒獎禮，陶大宇續說：「我睇到新聞，當然感到榮幸、開心，不過無綫冇正式搵過我，加上我仲喺內地，返唔到嚟住，總之……又多謝，又感謝。」
歡樂滿東華│陶大宇驚喜隔空獻唱《倒轉地球》 李旻芳黃耀英卡拉之星CP合唱【下一頁】
陶大宇在12月23日將到澳門出席活動，他說：「我而家仲喺內地，23號先去澳門，因為兩地疫情冇太大影響，所以過關非常方便，只要做核酸檢測，一星期內可以出入，香港真係需要加油。」提及有人在網上轉載，指陶大宇在12月30日舉行網上演唱會，他說：「30號呢個show係真，係一間上網代購公司搞，可能元旦，想感謝顧客，所以搞呢個show，online做就好多地方嘅人都去睇。」至於歌酬方面，他只謂：「唔係為咗錢，其實我嘅酬勞冇因為最近嘅現象而升咗好多，不過，工作機會的確係多咗好多，加埋……疫情嘅影響，我都唔會畀人有壓力（酬勞方面），大家盡量攞個平衡。」
問到早前有傳陶大宇現時在內地商演或登台，唱兩首歌已叫價20萬元人民幣，兩年廣告代言費更高達100萬元人民幣，他笑說：「無錯啦！問題已經有咗答案，係……傳……哈哈哈！我都好希望有，承你貴言，我會再向呢個目標進發。」
陶大宇唱《倒轉地球》再度爆紅 關注組人數激增：我笑到喊【下一頁】
此外，在網上看到印有陶大宇肖像的《倒轉地球》CD、T裇、水杯等等，全部都有定價，陶大宇說：「我都睇到，唔知邊啲真，邊啲假，不過重點已經唔係呢啲，而係原來我而家嘅現象可以帶畀人過癮開心，呢樣係最感謝！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】