荷蘭影展被迫取消 何超儀教男主角講粗口

何超儀監製兼主演的史詩式荷里活電影《Edge of The World》早前在歐美上映，電影近日獲荷蘭New Vision International Film Festival提名「最佳電影」。正當超儀興奮萬分，準備公布喜訊之際，卻突然被告之因疫情在歐洲肆虐，影展被迫取消，令超儀的心情猶如坐過山車。

何超儀事後接受好友杜如風訪問，超儀無奈表示︰「呢期絕對係又『紅』又『黑』，因為拍咗啲西片，啲西片紅，入咗幾個影展；但我黑仔，因為啲影展一個一個咁取消。我同啲獎項總係有緣無份，上次憑《維多利亞壹號》奪得西班牙錫切斯國際奇幻電影節『最佳女主角』，但因為工作無親身領獎；今次一提名就被取消，連落場比賽都無機會。希望下年疫情消失，影展會復辦。」

提到《Edge of The World》同時被下月舉行的孟加拉電影節，評選為其中一部觀摩影片，超儀苦笑謂︰「（電影節）暫時仲未取消，仲有希望，我真係想去孟加拉。」

雖然影展取消，但超儀不忘感謝創作團隊，更特別提到男主角Jonathan Rhys Meyers在首天拍攝，便希望與超儀以廣東話唸對白；後來雙方變得熟絡，Jonathan問超儀如何用廣東話跟華人工作人員打招呼，超儀即大整蠱，教他說粗口，自此Jonathan都以粗口跟劇組打招呼，工作氣氛輕鬆搞笑。

撰文︰倪小珊

美術︰梁政敏