讀心專家︳林盛斌成功令心理術師松明失手 網民：覺得Bob講大話好叻

有「亞洲讀心第一人」之稱的著名心理術師松明，現於無綫節目《讀心專家》中展示其讀心、植心、淘心、控心等心理術技巧，每每成功猜中答案，令人拍案叫絕。不過星期四晚（16日）播出的一集，松明罕有在鏡頭前失手，被嘉賓之一的林盛斌（Bob）成功瞞騙，猜不中Bob手上麻雀的食糊牌型，不過另外兩位嘉賓薛家燕及吳若希就成功答中，又不算是完全失敗。

同場加映：青春本我丨張馳豪潘靜文成熒幕CP互爆缺點 犧牲學業愛情整裝自己追趕步伐

{{hket:ul-video id="4919"}}{{/hket:ul-video}}

{{hket:inline-image name="12172002.jpg"}}{{/hket:inline-image}}

{{hket:inline-image name="12172004.jpg"}}{{/hket:inline-image}}

這晚松明接受的挑戰項目，難度頗高，先要答中薛家燕、吳若希及Bob手上的麻雀，食糊的屬於筒子、索子還是萬子，然後透過心理術技巧，明確答出三人食糊的是哪兩隻牌。他先後答中薛家燕、吳若希的食糊牌，可是對住轉數快的Bob卻出事，經過一輪心理博弈，最終只能成功答中一隻牌，另一隻牌卻答錯，松明當場露出一絲失望神情。

《讀心專家》｜松明無懼被質疑同藝人聯手造假 「再好的演技也難演出來」【下一頁】

松明在節目內解釋失手原因：「當我問到七萬嘅時候，Bob合埋咗眼，因為喺上一輪我估萬子嘅時候，佢都做咗同樣嘅動作，結果誤導咗我，令我覺得係佢講大話嘅時候，潛意識嘅行為習慣。當我問到九萬，佢就認真、好肯定同我講『真係有可能』，我覺得佢係故意呃我……就係咁，影響我嘅判斷。」Bob亦有讚松明犀利，「六隻（牌）中五隻，其實已經好誇張，真係好難。」

其實松明月初接受《晴報》訪問時，早已明言演員識做戲，要瞞騙過關是很容易的事，「因為我只能讀到你自己有的東西，譬如說演員他相信自己在這裡，我就只能讀到他相信的這件事情，如果他想騙我，其實好簡單。但他們都很好，很用心體驗心理測試，令我非常感動。」

（↓點擊放大睇圖片↓）

Bob這日（17日）在網上分享他同松明合照，並表示：「唔好再問我真定假，我只可以認真講一句『佢真係癲㗎』！」之後有網民留言：「節目好好睇，睇完覺得Bob講大話好叻」、「你先勁，令佢估唔中」及「我在Syd（悉尼）都有睇呀。真係冇失敗過」等，Bob謙稱令松明失手是「咁啱啫」，亦指人總會失敗，同時強調對方的讀心術「好勁」。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}