胡蓓蔚讚單立文不煙不酒不溝女 感激陪伴人生高低：兩句收服我

胡蓓蔚（豹嫂）早前接受陳敏之YouTube節目《chi chat》訪問，大談與老公單立文（豹哥）的趣事。豹嫂與豹哥拍拖11年，兩人在2008年3月結婚，對於老公最大的優點，豹嫂笑說︰「佢曾經自己讚過自己，但曲解咗嚟講，佢話自己人生最大嘅缺點係……但我覺得佢係講緊自己嘅優點……佢話佢就晒我，我心諗『你真係好叻，好識講嘢』；其實好多嘢都唔係睇表面，兩夫妻真係會一個就晒一個咩？其實……算啦，講起都兩行眼淚。」

同場加映：青春本我丨張馳豪潘靜文成熒幕CP互爆缺點 犧牲學業愛情整裝自己追趕步伐

{{hket:ul-video id="4919"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="15.jpg"}}{{/hket:inline-image}}

相識25載，陳敏之認真地問豹嫂︰「佢係咪你初戀？你係咪佢初戀？」豹嫂聽後反應甚大說︰「梗係唔係啦！你黐線，你問呢個問題……佢點會係初戀？」陳敏之再問對方︰「你覺得佢好曳？」豹嫂續說︰「佢唔係曳，佢幾多歲人呀？點會初戀呀？如果我係佢初戀，佢先至慘呀！」

愛回家丨群姐被爆假戲真做激吻熊樹仁 KC率保安部面具戴足一集獲讚【下一頁】

陳敏之追問︰「你哋有冇嗌過交？」豹嫂說︰「有，但好少，通常真係我做錯咗，做咗啲佢忍唔到嘅嘢，有一次我飲醉酒，然後發脾氣，返到屋企佢就鬧我，我通常一被人鬧就即刻承認錯誤，因為我想佢停，同埋知自己衰；相反如果係啱，我梗係力爭到底。基本上佢唔鍾意我飲酒，但係我哋身邊嘅人，全部都係飲酒嘅。」豹嫂指豹哥不飲酒不吸煙不追女仔，每次出席飯局聚會後都會送所有人回家，豹嫂笑說︰「我哋架車叫村巴，呢樣嘢係要加番啲分數佢嘅！你有冇見過成村人飲醉酒，喺佢架車度有幾嘈？佢又要播歌啦……佢真係好好。」

單立文申請樂悠卡享耆英優惠 滕麗名蘇韻姿敬老笑騎騎合照【下一頁】

{{hket:inline-image name="19.jpg"}}{{/hket:inline-image}}

{{hket:inline-image name="20.jpg"}}{{/hket:inline-image}}

{{hket:inline-image name="21.jpg"}}{{/hket:inline-image}}

現年62歲的豹哥，人生閱歷豐富，豹嫂指自己遇到問題，都會同老公傾，她說︰「人生去到一個咁樣嘅階段，經歷過高低起伏，平時好多嘢都係我話事，但當我遇到一啲決定性嘅時刻，我一定會聽佢，同埋有時真係好唔開心，我會同佢講。我老公有一樣嘢好勁，佢可以一針見血，兩句說話就收咗你。」提到有沒有試過精神出軌，豹嫂說︰「我覺得嗰個人靚仔，我會直接同佢講，但佢見到靚女，唔會認『係咩？OK啦』，冇乜所謂，我哋都會睇靚仔靚女；我身邊『胡說八道會』嗰班，佢哋有時會抱住佢（豹哥），智雯（黃智雯）仲成日捏我老公塊臉，Selena（李施嬅）會攬住我老公，好似一個好安全嘅避風港、可靠……我老公又大隻呢！」

愛回家│豹嫂胡蓓蔚為豹哥單立文客串出動5套靚衫 網友讚好：美中不足係David身邊個錢生...【下一頁】

{{hket:inline-image name="23.jpg"}}{{/hket:inline-image}}

{{hket:inline-image name="50.jpg"}}{{/hket:inline-image}}

{{hket:inline-image name="51.jpg"}}{{/hket:inline-image}}

{{hket:inline-image name="52.JPG"}}{{/hket:inline-image}}

單立文在1980年代出道，當年與蘇德華、黃良昇組成樂隊Blue Jeans（藍戰士）樂隊，歌曲《豈有此理》是Blue Jeans的代表作。之後，單立文踏足影視界，演出多齣劇集及電影，當中，他憑電影《潘金蓮之前世今生》（1989年）中，飾演「西門慶」一角獲提名《第九屆香港電影金像獎》「最佳新演員」；而他在電影《賭俠》的「侯賽因」一角，亦是深入民心。淡出電影圈後，他主力在無綫發展，包括《陀槍師姐II》、《下一站彩虹》、《衝上雲霄II》、《女人俱樂部》、《愛·回家之開心速遞》、《乘勝狙擊》、《踩過界》、《失憶24小時》等等均見其蹤影。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}