異搜店丨首集播出帶靈異Feel有新鮮感 麥秋成演二世祖穿櫃桶底未夠衰

劇集《異搜店》昨晚首播，反應不俗，劇情由一次電召運送服務開始，馮祖儀（陳曉華飾）清理雞店的雜物而電召韋德信（何廣沛飾）的客貨車，卻意外遺下了雞肖像的神像。德信的舅父謝添勝（曹永廉飾）指神像邪門，令他頭頭碰著黑，怕招惹不吉利之事；德信只想盡快物歸原主，當他確起床時發現包住神像的紅紙掀開了，媽媽謝美嫦（林漪娸飾）斬雞時又整傷手，令他深信舅父的邪門之說。

同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

拍《異搜店》傳緋聞｜陳曉華被傳何廣沛陪去廁所 否認與朱晨麗爭仔：零過電【下一頁】

{{hket:inline-image name="yi12.jpg"}}{{/hket:inline-image}}

{{hket:inline-image name="yi6.jpg"}}{{/hket:inline-image}}

劇集充滿靈異感，為觀眾帶來新鮮感，網民都猜想到底是甚麼樣的劇種，「​似係查案，又似幫人解夢」、「​我覺得係舅父講個公雞像好惡咁，有啲驚」、「雞嗰度真係靈異嘅，因為一而再再而三咁有怪事」、「二手嘢真係好多靈異事件」、「套劇集係咪關於啲鬼怪嘢」、「好耐冇呢種劇」等等。

第一集播出後，演員何廣沛、陳曉華、吳業坤和麥秋成特別於YouTube直播，跟觀眾傾偈，何廣沛指今次主題圍繞「二手店」發生的奇怪異事，他大爆拍攝的道具非常有歷史，「大家見到第一集入面個有鐘擺嘅掛鐘，之後有一集我要整爛佢嘅，咁TVB道具部一向喺背面木板上會寫少少資料，你知唔知我睇到咩？佢係寫住《大鬧廣昌隆》，你諗吓件道具幾有歷史。」《大鬧廣昌隆》是TVB 1996年的作品，至今已經25年，何廣沛亦笑稱感到非常自責。

湯怡愛女百日宴首次公開可愛樣 QQ改名麥紫喬 似足爸爸麥秋成【下一頁】

而直播期間，不少觀眾都指麥秋成太斯文，未夠衰格。麥秋成第一次拍劇飾演馮祖儀的哥哥馮祖輝，典型二世祖，首集出現就已經多次「穿櫃桶底」，被發現後還將責任推給伙計，衰到不得了！麥秋成說：「係呀！大家都話我唔夠衰，我都覺得可以演得再衰格啲！畢竟第一次拍劇，跟足對白，而家睇番咁衰格應該加尖酸刻薄啲碎嘴，下次會再做好啲！」

{{hket:inline-image name="yi13.jpg"}}{{/hket:inline-image}}

{{hket:inline-image name="soo.jpg"}}{{/hket:inline-image}}

演員們分別分享自己的靈異經歷，麥秋成稱在美國一家賭場的酒店房間，兩次被鬼壓，令他印象深刻。而陳曉華指自己在讀大學期間到醫院實習，見到一名伯伯時就問他是否需要幫忙，當時一名老師就著她不用理會，「我見到佢著住病人衫，仲叫佢伯伯，但其他人見佢唔到，仲可以穿過佢！老師話佢喺度好耐，老師係細細個就睇到靈異嘢嘅人，我應該係時運低，所以見到佢，但第日就再見唔到。」她大爆在TVB電視城的女廁都遇過靈異事件，「廁所得六格，頭五格都鎖晒門，但下面全部冇腳，我行到第六格時，佢自動開門畀我，係咪好驚？」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="af67c90a-3b52-4522-9e3d-e5d0b6987ef3.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d.jpg"}}{{/hket:inline-image}}