晚吹 - 空肚講宵夜丨梁祖堯爆《造星》參賽者好大食 BabyJohn指阮兆祥最愛「萬歲」

在娛樂圈，不得不提「片場飯盒」，很多藝人對「片場飯盒」又愛又恨，愛是因為有工開，恨是飯盒未必啱自己的口味。不過疫情下，開劇開戲的時間減少，能夠捧住一個凍冰冰的「片場飯盒」，就變得幸運，因為可以繼續捱世界。

同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

{{hket:inline-image name="22.jpg"}}{{/hket:inline-image}}

ViuTV節目《空肚講宵夜》前晚（22日）播出的一集，主題是「拍嘢」，3位主持梁祖堯、蔡瀚億（BabyJohn）和陳俞希（Hailey）大談「片場飯盒」，梁祖堯指疫情後，大家都慣用外賣app，Hailey說：「我想講，而家《全民造星IV》嘅伙食，比第一季已經唔同咗。」梁祖堯接住說：「我聽講第一季，叫咗crew飯畀大家同工作人員食，大家都知第一季有99個參賽者……」BabyJohn說：「正常係要派飯盒，佢哋（參賽者）都要食㗎！」Hailey表示因為當時拍攝時間在下午，應該吃完飯才過來。梁祖堯續說：「後生仔血氣方剛，最後工作人員冇飯食……」BabyJohn問：「因為啲囝囝攞晒？」梁祖堯說：「係呀，但我想話畀大家聽，今年《造星IV》嘅情況係一模一樣，根據收音師所講『而家都係咁樣，嗰晚宵夜都被人攞晒。』 所以唔好睇低呢班囡囡嘅食量，我冇諗過佢哋咁大食，佢哋食好多嘢，以為應該要節制吓，不過個個都係越嚟越瘦，因為佢哋好勤力練習，好大運動量。」Hailey帶點感觸說：「記得好好把握你哋而家10幾歲嘅時候，到你去到我哋呢個年紀……」梁祖堯即指住Hailey笑說：「呢個姨姨嘅年紀，食一啖想瞓覺，食兩啖就水腫。」

BabyJohn憶述有次在內地拍戲，晚上收工後，大家在一間餐廳食煲仔飯黃酒雞火鍋，這是最幸福的一次。Hailey說：「我見識過嗰啲，內地有送crew飯嘅公司，一桶桶咁拎嚟，大家就拎住喺監獄電影入面見到嘅鐵盤，然後就舀餸，食完喇，佢哋會收番鐵盤返去洗，其實都幾環保。」

思家大戰│陳煒獲台前幕後票選「萬歲王」 「大家咁辛苦 食好嘢一齊開心吓」【下一頁】

{{hket:inline-image name="16.JPG"}}{{/hket:inline-image}}

{{hket:inline-image name="23.jpg"}}{{/hket:inline-image}}

{{hket:inline-image name="17.JPG"}}{{/hket:inline-image}}

{{hket:inline-image name="24.JPG"}}{{/hket:inline-image}}

另方面，在片場裡最令大家開心的，除了是「收工」外，還有「萬歲」，BabyJohn說：「我試過上電台，阮兆祥叫住我，佢話買咗點心，叫我一齊食，每次去做訪問，係成枱都係點心。」Hailey表示曾聽聞過安德尊（大王）亦喜歡請大家吃東西， 「大王冇設上限，大家就叫嘢食，但佢有個要求，就係要大家食晒啲嘢，因為佢唔想浪費，據聞佢每次拍嘢都會咁做。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}