家家有本 ︳搬屋師傅難忘屋主即日決定移民 最心痛全屋新傢俬送堆填區

近一年移民潮下，80後搬運公司老闆司徒幾乎一半工作都為移民家庭「清屋」，見盡人生百態，曾遇過有屋主匆匆決定即日移民離港，亦曾經被騙上「私樓曱甴屋」，一搬梳化湧出數以百計的曱甴，甚至爬到身上。不過最令他心酸的卻是，每日望著新淨傢俬被丟棄送往堆填區卻無力阻止，只盼港人學懂珍惜減少浪費。

同場加映︰

輕巧清潔家居小能手 睇片即送吸塵機

{{hket:ul-video id="4924"}}{{/hket:ul-video}}

80後的司徒與表哥安仔，於10多年前已接觸搬運傢俬行業，隨後發現市場需求龐大，便萌生創業念頭，兩表兄弟數年前創立「肌肉人搬運」，專門替人處理舊家具及搬屋，即使「一張枱都會接」。司徒指以往一般暑假至新年前屬旺季，家長為子女校網而搬屋、業主趕在新年前裝修等，近一年移民潮下卻出現另一種景氣。

{{hket:inline-image name="DSC00903.jpg"}}{{/hket:inline-image}}

即日決定移民匆匆離港

今年7至9月是他們最多訂單的時期，接近一半訂單都與移民有關，大多是在離港前找他們幫忙清空單位，以及將行李打包入箱。在這半年間，見盡港人離開家園遠走他鄉，帶不走的就由他們清理，讓他們尤其感慨，「有啲真係走得好急，走咗先叫我哋清屋。」他曾遇過一名屋主匆匆決定移民，甚至因為要即日離港，只帶走隨身行李，其餘物品留在住所，請他們打包寄去外國。

（↓點擊圖片放大↓）

難忘曱甴屋搬梳化

過去幾年上至獨立屋，下至劏房他們都做過，最深刻便是遇到「私樓曱甴屋」，司徒指一般在接單時會要求客人拍照，視乎情況決定是否接單，有次接到一單位於將軍澳一個大型屋苑，要求棄置布藝梳化， 上到單位時已發現衛生情況甚差，梳化對比與相片中新淨情況不符。

當嘗試搬動梳化時，隨即有數百隻曱甴從多處鑽出來，客人似「預視」到情況，立刻狂噴5支殺蟲水，未料反令曱甴在全屋四散，甚至有曱甴爬在職員身上，司徒對當日情況仍歷歷在目。儘管該單收費只有幾百元，他們也只能硬著頭皮完成，「最怕就係污糟，但做得呢行，上得去，都要做。」

心痛屋主掉全新傢俬

除了搬屋，他們亦會替人棄置大型傢俬，梳化、枱凳等都是較多人棄置的家具。司徒曾接過一單元朗「清屋」個案，由於屋主疑急於「交吉」，想盡快清空單位，然而全屋傢俬幾乎全新未用過，令他們感到兩難，既認為做法浪費，但實在沒有額外人手去處理，

「有試過聯絡啲機構，但我哋冇人手搬去，存倉又要錢，真係無辦法。」

他們接單後一般會將舊傢俬運往垃圾場處理，部分質素較好的會轉贈家人朋友，但始終可接收的數量有限，公司亦無空間存放大量傢俬，最終只能眼白白看著它們送往堆填區。司徒坦言，棄置傢俬只需付數百元便有人搬走，或許是最方便快捷的做法，但希望大家先考慮透過不同方法轉讓他人，或許能省卻搬運費，又能延續傢俬壽命。

（↓點擊圖片放大↓）

{{hket:inline-image name="DSC00926.jpg"}}{{/hket:inline-image}}

你都遇到家居奇難雜症，或者有上車置業故事、家居設計經驗想同讀者分享？歡迎向《晴報》投稿！【投稿連結】
 

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

撰文：劉紀瑩

攝影︰王華婷