洪永城B女出世似爸爸唔開心 梁諾妍痛半日宮頸未開「食全餐」

洪永城（Tony）今年6月宣布與梁諾妍（Inez）結婚，7月舉行婚禮時Inez已懷孕4個月。Inez9個月時表示預產期係12月25日聖誕節，不出所料BB已經喺19號、冬至之前已經搶閘出世。

同場加映：  《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

洪永城喺社交平台以囡囡嘅「身份」出Post公布喜訊：「大家好，我叫Amber，係人馬女，重6.2磅，想同大家打個招呼，我在荃灣港安出世，我一出世，姐姐同叔叔就話『嘩，好似爸爸呀！』跟住我望望爸爸媽媽，我有唔開心，因為我想似媽媽多少少，媽媽好靚。我知道媽媽痛了十四小時，催生了兩次，都開唔到宮頸，但係佢堅持到最後一刻，我聽到佢每2分鐘就痛一次，我仲聽到爸爸話隻手就斷，媽媽好偉大。多謝張智醫生哥哥、Ruby 姐姐同呢度所有的護士姐姐， 你哋好有愛，好照顧我，我會快高長大、孝順同好乖，會照顧媽媽，帶歡樂俾大家....哈哈，至於爸爸，我好肚餓，可唔可以快去搵奶粉錢呀。」

{{hket:inline-image name="257649597_254658043353487_4154567395940513726_n.jpg"}}{{/hket:inline-image}}

Inez都出post指BB於19號出世，佢都話BB好似爸爸，又大講佢今次生產嘅心路歷程：「媽媽會好好照顧你，我會係你最強的後盾。辛苦晒張智醫生同所有護士姐姐！最重要多謝洪生（隻手😂）的陪伴。每當我作動時痛到又暈又想嘔真係差啲扭斷佢隻手，辛苦你了。分享一下生產過程先~由於催生藥幫助唔到我開宮頸，痛咗十幾個鐘迫到羊水都穿埋，宮頸都唔肯開。醫生話避免寶寶危險要開刀，最後母女平安寶寶很健康。寶寶出生後就即刻喊，連我跟住大喊咗出嚟，見到洪寶寶平安地出生，甚麼痛楚都唔緊要了，一切都很值得♥️謝謝上天給我們一位小天使期待我們一家相處的日子♥️。」

Tony回應時亦難掩做爸爸嘅喜悅：「多謝你哋關心，Inez生咗小朋友喇，Amber出咗世喇，母女平安放心我哋會好好照顧佢嘅，令到佢成為一個健康、快樂嘅小朋友。我覺得佢係一個福星嚟，佢已經帶咗好多快樂畀我哋，你諗下，佢同我哋一齊過冬至啦、聖誕節、新年又可以一齊睇煙花，嚟緊仲可以過埋年添，所以佢嘅出世真係perfect timimg！」

圖片來源：Instagram