張敬軒獲父母捧場演唱會 被陳慧琳取笑冇朋友

張敬軒《The Next 20》演唱會在昨晚假紅館開鑼，除了楊受成夫婦、溫碧霞、周秀娜、七仙羽師傅、彭秀慧、衛詩雅、周家怡、泳兒、吳浩康、李靖筠等捧場外，軒仔的父母亦有特別到現場欣賞，見張父不時舉起手機，拍攝兒子在台上的演出。而今場就邀請了陳慧琳擔任表演嘉賓。

同場加映：《臨時械劫》｜郭富城戴假耳仔哨牙look演賊王 爆同小齊林家棟有「男人的浪漫」

{{hket:ul-video id="4937"}}{{/hket:ul-video}}

{{hket:inline-image name="1.JPG"}}{{/hket:inline-image}}

{{hket:inline-image name="4.jpg"}}{{/hket:inline-image}}

開場時，軒仔以閃爆皇上外套look登場，獻唱兩首快歌《Do What You Want》和《You》，台下的觀眾已急不及待站起來聞歌起舞，之後軒仔再換上一身藍寶石王子般的露背西裝獻唱《騷靈情歌》。唱了數首歌後，軒仔鞠躬答謝觀眾說：「多謝大家！我拜八角先！多謝大家成就我20周年演唱會，我搣一下自己係咪發緊夢先。」他亦感謝來港支持自己的父母，並向父母送上飛吻，續說：「多謝Alex（演唱會總監）畀信心我開到咁多場演唱會，不過唔知係咪計錯數，我啲衫一係冇前，一係冇後，唔夠布料錢啦我……哈哈……但正所謂『趁著青春留倩影』，呢啲大Deep V同大露背唔係見得好多次。大家有得影就好影啦！」

演唱會笑中有淚，當中一位小演員扮演軒仔的童年，他一句「軒仔可否不要老」，令軒仔唱《青春常駐》時都忍不住落淚。今次軒仔又提到「姐姐」，表示「姐姐」不單只為他煮早餐，還會替他剃腳毛，由於今次歌衫又Deep V又背心，所以「姐姐」要幫他剃腋毛，大讚「姐姐」好手勢，軒仔笑說：「開騷前一晚，我返到屋企已經太夜，姐姐瞓咗，於是自己補幾刀啦，點知剃損咗個胳肋底。」引得全場觀眾爆笑！ 

張敬軒大讚亞熱帶風情嘅靚 七仙羽：咁你會唔會娶我吖【下一頁】

{{hket:inline-image name="14.JPG"}}{{/hket:inline-image}}

輪到嘉賓環節，陳慧琳和軒仔合唱《紀念日》後，軒仔即被女方問道：「3年前演唱會請我做嘉賓，今年又請，你係咪圈中人緣唔好，冇朋友？」軒仔笑答：「咁我鍾意你吖嘛，我細細個就聽你啲歌，最鐘意《誰願放手》，呢首歌紀念咗我情竇初開，十月芥菜嘅情懷。」陳慧琳立即「八卦師奶」上身問他：「嘩！初戀呀？佢放手定你放手？」在逼宮下，軒仔避開重點，只答道：「大家一齊放手囉！」

陳慧琳除了笑軒仔個樣好dry之外，又叫他介紹傭人姐姐給她認識，「我見你越食越瘦，有冇同鄉介紹畀我？」軒仔笑說：「我介紹阿媽畀你，阿媽呢期水泥早餐，乜味都冇，冇食嘢一樣。」陳慧琳笑問：「Auntie，你做咩搞啲英泥？係咪軒仔冇牙？哈哈哈……」

張敬軒發長文正式退股仙后餐廳 「既已功成 可以身退了」【下一頁】

{{hket:inline-image name="13.JPG"}}{{/hket:inline-image}}

{{hket:inline-image name="15.JPG"}}{{/hket:inline-image}}

期間，台下有人大叫軒仔「錫七師傅」，亦有人大叫「娶七師傅」，軒仔聽後即說：「因為防疫限制唔咀得，因為防疫規例唔可以隨便結婚，下世啦，我投胎做你老公！真係大吉利是，喺紅館個台特別容易講錯嘢！」引爆全場笑聲。尾聲時，軒仔坐吊車與山頂位置的觀眾近距離接觸。最後，他更唱了聖誕歌應節。

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}