罕有唱《孤單公園》 張敬軒即場收Tyson Yoshi做o靚

張敬軒前晚舉行第四場《The Next 20》紅館演唱會，適逢當晚是Boxing Day（拆禮物日），軒仔請到近期的廣告寵兒Tyson Yoshi及師妹泳兒擔任嘉賓。軒仔與Tyson Yoshi不時作有趣互動，Tyson Yoshi更自嘲自己出場是「廁所位」，場面惹笑。

張敬軒前晚個唱請來Tyson Yoshi任嘉賓，軒仔介紹Tyson Yoshi時表示︰「佢前排激嬲我，講『我細細個就聽你首《孤單公園》』，今晚（前晚）就同你唱呢首歌！」Tyson Yoshi即帶着大型玩具槍上台，邊唱邊向軒仔發射，十分頑皮；軒仔搶去玩具槍想報仇，但卻因不懂開槍而失敗告終，認真搞笑。

後來軒仔問Tyson Yoshi︰「你話你細細個就鐘意我，究竟有幾細？你咪亂講嘢呀！」Tyson Yoshi笑言︰「中…中學，我小學嗰陣你都未入行。」說罷即被軒仔讚有前途，還說要收Tyson Yoshi「做 (口靚)」。之後軒仔讓對方獨唱，Tyson Yoshi邊向觀眾揮手邊說︰「你好，我係Tyson Yoshi，今晚嘅廁所位！」觀眾不但沒有去廁所，相反更熱烈拍掌歡呼。Tyson Yoshi續說︰「有人話我正印係林家謙，前排我喺度諗我上台應該唱咩歌，我女朋友即刻冷笑一聲，咁我惟有唱《Christy》（女友同名歌曲）啦！」

泳兒獲鼓勵感動眼濕濕

個唱尾聲，軒仔再請第二位嘉賓泳兒出場，與他合唱極少於公開場合演唱的《石徑》。泳兒上台不久已眼濕濕，並向軒仔表達感激之情︰「頭先喺台下面聽你講，我已經好感觸，我開第一個音樂會，當時我都無乜人識，你都願意來幫我做嘉賓。」軒仔貼心地上前為她擦眼淚，鼓勵她道︰「每個人都係由一張白紙開始，只要肯努力，聽眾耳朵係雪亮嘅！你一定會有好成績！」

撰文︰Pauline

美術︰梁政敏