一起走過︳胡渭康憶梅艷芳昔日豪爽待朋友 食飯唔驚AA制：塞定錢畀你

胡渭康和莫鎮賢同是新秀歌唱比賽出身，日前接受港台《一起走過》楊紹鴻、寶珮如訪問，分享他們昔日同大師姐梅艷芳相處難忘事。

{{hket:inline-image name="12281001.jpg"}}{{/hket:inline-image}}

{{hket:inline-image name="huwaihongwilliam_244758964_452047659561076_5095276422947052529_n.jpg"}}{{/hket:inline-image}}

同場加映：G風暴丨鄭嘉穎遇上陳凱琳沒後悔遲婚 「做爸爸令我學習耐性同變通」

{{hket:ul-video id="4960"}}{{/hket:ul-video}}

胡渭康當年跟梅姐同樣參加第一屆新秀，梅姐贏得冠軍並踏上巨星之路，而他之後同孫明光及林利組成小虎隊發展，二人私下不時見面，「阿梅為人好有義氣就係人都知，佢最出名喺餐廳一見到佢，只要佢見到你，你張單就會埋咗，有呢啲豪爽。但講真，佢對朋友真係好用心，例如我入行時仲係讀緊書嘅15歲𡃁仔，以前要出席好多活動，嗰個年代又唔興有咩贊助或者借衫，平平貴貴都要自己置裝。阿梅就好聰明，用一個好令你舒服方法，『喂，同我去街，我哋去睇嘢』，跟住其實係同佢睇嘢，佢順便買埋嘢畀你。又例如我哋幾個約食飯，預咗可能係『AA制』，阿梅會事前『塞』定錢畀我，等人哋以為係我喺自己銀包攞（錢）出嚟。佢好識做呢啲人情世故，佢只係比我大3年，但從小喺社會打滾，呢啲好微細又好照顧人嘅嘢又好大體，就係只有佢做得到。」

黃婉曼訪問丨胡渭康自爆強迫症嚴重影響生活 分享照顧老人癡呆症父母心得【下一頁】

莫鎮賢亦講梅姐用心幫朋友的事件，「記得喺華星錄第一首歌，阿梅約咗我食飯，食完飯陪我上去，佢臨食完飯叫助手去買盒西餅，入去時叫我幫佢拎住同畀大家，而我入到去第一句就話『各位好，梅姐請你食西餅』，阿梅聽到就走過嚟打咗我一吓，仲話我死蠢。其實係佢買西餅當係我『萬歲』，我就戇居話佢請，之後大個就知佢暗中幫你。」

《愛美麗狂想曲》｜53歲胡渭康做「渣男」背李佳芯偷食 演夫妻被指「違和」似老竇嫁女【下一頁】

胡渭康之後再作補充，爆梅姐每次拍拖變得好少女，「大家只係見到佢慷慨一面，聽完呢啲例子，大家會感受到佢真係用心去安排，如果佢唔重視你，佢點會為你做咁多？呢啲佢絕對可以唔做，對件事完全無影響，但佢做咗就會銘記於心。（有甚麼個人最難忘事？）大家以為佢係一個好強悍女性，樣樣事情都揹得起，阿梅有個最大、最大弱點，佢一拍拖就出事，出事係佢即刻變咗隻小鳥，完全係一個少女出番嚟，所以愛情可以話係佢嘅死穴，每一段愛情都會全心全意去投入，有時一齊去玩時，突然聽到佢聲量低咗9倍，但唔知點解key就高咗8度，講兩句就嘻嘻，嗰時就知佢拍拖。」

（↓點擊放大睇圖片↓）

莫鎮賢感慨多年來同梅姐有段不開心又難忘的事，事緣當年梅姐發生卡拉OK風波後，莫鎮賢在另一個工作地點遇上梅姐，於是過去關心幾句，卻換來梅姐黑面對待，「我老咗先知，可能佢唔想提嗰件事，被佢話咗兩句，當時我哋嗌交，我企咗起身話『我以後都唔理你』…。」莫鎮賢指梅姐當年入院後，曾對身邊人說想見他，當時不知道病情如此嚴重，結果錯過這個最後機會，令他一直內疚了幾年。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}