萬千星輝頒獎典禮2021｜譚俊彥被馬國明睇好拎視帝好感恩 周嘉洛喜與「媽媽」滕麗名齊入圍【附各獎項五強名單】

無綫盛事《萬千星輝頒獎典禮2021》將於本周日（1月2日）晚八點假電視廣播城舉行。一眾五強候選人早前一齊著靚靚為頒獎禮拍攝場刊，包括陳展鵬、譚俊彥、馬國明、張振朗、李佳芯、林夏薇、黃智雯、鍾嘉欣、姚子羚、周嘉洛、陸永、胡鴻鈞、滕麗名、姜麗文、張頴康、泰臣、朱敏瀚、羅子溢、黃子恆、陳自瑤、麥美恩、劉佩玥、何依婷、鄭子誠、周奕瑋、林溥來（Patrick Sir）、李思捷、森美、朱凱婷、梁芷珮、吳幸美、譚玉瑛、林正峰、羅天宇、馬貫東、丁子朗、黃庭鋒、陳瀅、王灝兒JW、王敏奕及游嘉欣。

同場加映：傳無綫x港台辦頒獎禮丨MIRROR笑言最恨見TVBuddy ERROR：如果冇獎唔使坐成晚

{{hket:ul-video id="4987"}}{{/hket:ul-video}}

今年一眾視帝候選人均十分謙虛及禮讓，馬國明及鄭嘉穎異口同聲點名睇好譚俊彥，對此譚俊彥表示好感恩，並笑謂：「我要多謝兩位師兄咁客氣，尤其馬明，佢曾經同我講過好多好鼓勵我嘅說話，多謝你哋，亦都承你哋貴言呀。」

{{hket:inline-image name="1all.jpeg"}}{{/hket:inline-image}}

另一同樣獲得很多人支持的視帝候選人還有張振朗，胡鴻鈞指自己睇好振朗和鍾嘉欣：「視后我睇好鍾嘉欣，我唔想好似佢fans咁，但我真係希望佢有好成績；男主角我就希望係張振朗，佢每套劇每個角色都真係用盡能力去演，所以我覺得佢好值得嘉許。」陳展鵬則搞笑地順勢宣傳將於下年1月10日晚播出的新劇《鐵拳英雄》：「唔知係咪我而家有咗小朋友，咁可以叫我鐵拳爸爸，哈哈，嘩！幾犀利呀。」

{{hket:inline-image name="wu.png"}}{{/hket:inline-image}}

視后方面各候選人同樣惺惺相惜，姚子羚表示：「另外四位我自己都好喜歡同欣賞，佢哋四個都係好努力、好優秀，我覺得邊個攞獎都會好開心。」林夏薇則笑言要努力準備當晚戰衣：「因為拍緊劇，我未有好多時間試，希望出到嚟係端莊又靚嘅打扮。」

{{hket:inline-image name="yiu.png"}}{{/hket:inline-image}}

而女子組方面，姜麗文今年可謂交出亮麗成績單，先後入圍「最受歡迎電視女角色」、「最佳女配角」以及「飛躍進步女藝員」五強；對於獲取如此佳績，姜麗文坦言嚇親：「好驚喜、好感恩、好享受而家呢刻，因為唔知幾時再會發生呢件事。信心我唔敢講，因為事實上其他候選人我都好尊重同欣賞，但我當然想攞獎啦，但唔代表應該攞㗎嘛。」

{{hket:inline-image name="liza.png"}}{{/hket:inline-image}}

另談到劇集《愛‧回家之開心速遞》入圍多項提名，憑「金城安」一角入圍「最受歡迎電視男角色」的「愛‧回家」成員周嘉洛坦言很興奮：「我好開心同媽媽（滕麗名憑熊尚善一角入圍最受歡迎電視女角色）一齊入圍，仲要都係電視角色獎！」至於向來擅長搞笑的陸永，對於入圍最受歡迎電視男角色竟未打仗先認輸，十分搞笑：「我梗係冇（贏嘅機會）啦，點會有呀，一嚟對手強，二嚟個人弱，唔需要對手好強，你自己好弱就已經知道冇㗎喇。」同樣入圍男配的張頴康，則笑指原本打算問劇組借戰衣了事：「我有問過劇組我有套結婚嘅禮服可唔可以借嚟出席頒獎禮，但我返去同我太太講時，佢叫我唔好咁。」

{{hket:inline-image name="chow.png"}}{{/hket:inline-image}}

（點擊圖片放大睇最佳男主角五強名單）

（點擊圖片放大睇最佳女主角五強名單）

（點擊圖片放大睇最佳男配角五強名單）

（點擊圖片放大睇最佳女配角五強名單）

（點擊圖片放大睇最受歡迎電視男角色五強名單）

（點擊圖片放大睇最受歡迎電視女角色五強名單）

完整入圍名單如下：

最佳劇集
《愛美麗狂想曲》
《逆天奇案》
《七公主》
《換命真相》
《星空下的仁醫》

最佳男主角
《逆天奇案》陳展鵬
《換命真相》譚俊彥
《星空下的仁醫》鄭嘉穎
《星空下的仁醫》馬國明
《拳王》張振朗

最佳女主角
《智能愛人》李佳芯
《七公主》林夏薇
《把關者們》黃智雯
《星空下的仁醫》鍾嘉欣
《拳王》姚子羚

最受歡迎電視男角色
《愛回家之開心速遞》金城安：周嘉洛
《智能愛人》古家廉：陸永
《換命真相》時光：譚俊彥
《星空下的仁醫》況叢昕：馬國明
《十月初五的月光》文初：胡鴻鈞

最受歡迎電視女角色
《愛回家之開心速遞》熊尚善：滕麗名
《愛回家之開心速遞》Liza：姜麗文
《愛美麗狂想曲》王麗美：李佳芯
《逆天奇案》馬穎思：林夏薇
《星空下的仁醫》章以芯：鍾嘉欣

最佳男配角
《逆天奇案》張頴康
《智能愛人》泰臣
《換命真相》朱敏瀚
《星空下的仁醫》羅子溢
《拳王》黃子恆

最佳女配角
《愛回家之開心速遞》姜麗文
《寶寶大過天》陳自瑤
《智能愛人》麥美恩
《換命真相》劉佩玥
《星空下的仁醫》何依婷

最佳綜藝節目
《聲夢傳奇》
《好聲好戲》
《演鬥聽》
《思家大戰》
《男神廚房》

最佳資訊及專題節目
《東張西望》
《香港原味道》
《無窮之路》
《醫醫，我不想再病了》
《冰島潮什麼》

最佳年度及特備節目
《明星運動會》
《2020東京奧運》
《2021香港小姐競選》
《萬千星輝賀台慶》
《星光熠熠耀保良》

最佳男主持
《邊度都有陰謀》鄭子誠
《#好掛住日本》周奕瑋
《東張西望》林溥來
《思家大戰》李思捷
《聲夢傳奇》森美

最佳女主持
《無窮之路》陳貝兒
《東張西望》朱凱婷
《冰島潮什麼》梁芷珮
《東張西望》吳幸美
《童你一起長大了》譚玉瑛

飛躍進步男藝員
林正峰
羅天宇
馬貫東
丁子朗
黃庭鋒
胡鴻鈞

飛躍進步女藝員
陳瀅
姜麗文
王灝兒
王敏奕
游嘉欣

最受歡迎電視歌曲
《愛回家之開心速遞》：《愛心灌溉》王灝兒
《智能愛人》：《不可能發生》譚嘉儀
《星空下的仁醫》：《好好珍惜自己》鍾嘉欣
《十月初五的月光》：《祝君好》胡鴻鈞
《聲夢傳奇》：《造夢時學會飛行》聲夢學員

最受歡迎電視拍檔
《愛回家之開心速遞》林淑敏、許家傑
《星空下的仁醫》鄭嘉穎、鍾嘉欣
《#後生仔傾吓偈》陸浩明、馮盈盈
《好聲好戲》阮兆祥、賴慰玲
《青年心城之撐起青春》游嘉欣、林正峰

圖片來源：大會提供

萬千星輝頒獎典禮2021︳「萬朱沙華」姚嘉妮爭女配被out 未感失望：好明白遊戲規則【下一頁】

撰文：林惠珊

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】