麥明詩淡出娛圈年半急速Chur殘 辛勤工作自嘲素顏「看起來很糟」

2021年嚟到尾聲，唔少人都會回顧番自己呢年做過啲乜嘢，作出檢討。有人可能渾渾噩噩又一年，不過「十優港姐」麥明詩（Louisa）呢年就過得好充實喇！

麥明詩2020年決定「淡出」娛圈轉行到國際著名嘅顧問公司麥肯錫（McKinsey）擔任商業顧問。唔經唔覺佢已經做咗OL兩年，今日佢喺社交平台「感慨」留言：「in 2021, I worked hard.hence look sxxt especially in 3rd pic lol（2021年，我好努力工作，因此第三張照片我看起來很糟）」，從相中可以見到麥明詩去到邊都望住部電腦埋首工作，無論係拍緊劇定係食緊飯，有時仲要捱住杯麵做嘢。

同場加映： 鄭嘉穎遇上陳凱琳沒後悔遲婚 「做爸爸令我學習耐性同變通」

{{hket:ul-video id="4960"}}{{/hket:ul-video}}

麥明詩現時完全冇咗明星包袱，Post自己憔悴素顏相仲識得自嘲！唔少網民都話而家認真工作嘅佢比以前更加吸引，又有人話素顏嘅佢同麥媽媽更似樣，麥明詩反問：「即是好靚？」呢位網民立即「補鑊」大讚：「靚！但好像忙了點！」

{{hket:inline-image name="271102936_622048668911609_4442811813558059082_n.jpg"}}{{/hket:inline-image}}

麥明詩咁忙其實都不無道理，因為佢冇完全放棄幕前演出，早前就參與亞洲心動娛樂網劇《逐流時代》嘅拍攝，劇中與黃德斌有段複雜感情。麥明詩曾經講過半退娛圈係唔想同世界脫節，「希望自己一直學習」；藝人包袱令佢開始對自己感到陌生，「我發現自己越來越在意別人怎麼想，這個是無可厚非，因為我的事業就是取決於其他人對『我』喜歡或不喜歡，但把自我價值建基在其他人的想法，我會越來越沒安全感，只想迎合別人。」

麥明詩又講到唔想以藝人工作維持生計，「例如（傳媒）影到我跟哪個男人在街上怎樣，我的私人生活非常受影響。我不想特別給別人拍到，但我覺得就算拍到，還有寫甚麼不好聽內容的時候，也不會太影響我，因為我還有其他工作，我不是脫離娛樂圈，但是我同時間可以兼顧其他。」

圖片來源：Instagram