陶大宇網上音樂會獻唱引哄動 預告回港有演出答謝「陶寶」

陶大宇這期真的威到盡，因為翻唱劉德華歌曲《倒轉地球》，因其台風和唱腔片段，抵死過癮，在網上瘋傳，因而令他一夜之間爆紅，觀眾看得開心，同時多了很多工作的機會。不少網民十分期待再次睇到大宇的演出，除了上周四（23/12）在澳門出騷外，一間網上代購公司在昨晚更贊助他舉行網上演唱會，大宇獻唱3首歌之餘，還送出簽名相；席間有網民留言問大宇「幾時返香港，好想見到你」。今日，大宇向《晴報》透露將會出席香港的表演活動，「陶寶」要密切留意啦！

同場加映：傳無綫 x 港台辦頒獎禮丨MIRROR笑言最恨見TVBuddy ERROR：如果冇獎唔使坐成晚

{{hket:ul-video id="4987"}}{{/hket:ul-video}}

{{hket:inline-image name="768.jpeg"}}{{/hket:inline-image}}

{{hket:inline-image name="1573490098-.jpeg"}}{{/hket:inline-image}}

在昨晚的演唱會中，袁潔儀（潔儀姐姐）擔任司儀，大宇以紅衫黑褲look現身，並以馬拉話、國語、廣東話和越南話向觀眾打招呼，當然唔少得「噓」，之後他唱出郭富城的《唱這歌》，大宇施展「如來神掌」、「招財貓拜四角」等台風，單是這熱身已經令觀眾十分開心。有網民留言大讚「假音好掂」、「聽到我不想睡」。及後，潔儀姐姐提到他入行33年，最近因唱《倒轉地球》而爆紅，大宇說：「太客氣喇！我做嘅嘢都係想感染到大家，將歡樂帶畀大家，可以掀起話題，係值得開心，好多謝網友鍾意我，我需要呢股力量。」再問到他想跟哪個歌手合作，會否想過與G.E.M.（鄧紫棋）合作呢？與大宇續說：「阿G.E.M.？係又唔錯呀！佢敢同我唱，我敢做佢partner，冇所謂。」

拍劇出身的大宇，坦言沒有想過唱歌會成為話題，好壞與否，他認為好的就繼續開心，如果壞就要繼續進步。問到會否想跟劉德華合作？大宇笑說：「其實我都打搞咗佢好耐，唔好意思嘅！」同時表示今晚會在家中倒數，迎接2022年，新年願望是健康快樂，笑言如果大家在大年初一見到他，他會向大家派利是。大宇再唱劉德華的《一個人睡》，而《倒轉地球》則是壓軸歌曲，大宇繼續水撥手、自轉、甩beat唱腔，雖然音響有點差，但大宇依然保持他的「水準」，席間亦準備了大約100張簽名相送給網民。

陶大宇唱《倒轉地球》爆紅狂接騷 傳歌酬達20萬：問題已經有答案【下一頁】

{{hket:inline-image name="11.jpg"}}{{/hket:inline-image}}

對於有網民指昨晚演唱會的音響差，影響了大宇的演出，提議他倒不如開一個正正式式的演唱會，今日大宇接受《晴報》訪問時笑說：「我嘅演出仍然保持我嘅水準，但喺音響方面，其實喺現場係無問題，不過出咗街，大家收到嘅的確係有問題。我馬上反映，原來係有啲操作失誤，佢哋只係將我嘅咪聲上傳上網，但冇將歌曲嘅伴奏上傳上網，所以出咗呢個效果。我開演唱會？我何得何能呢，不過咁……如果要我做嘉賓，玩番一兩首歌，我絕對樂意，仲非常開心添！」

大宇續稱，之前有很長時間在外工作，所以返港後除了好好休息外，最重要是陪伴家人，「特別係母親大人，因為我的確離開咗太耐喇，加上我遲啲喺香港都有演出工作。」「陶寶」們終於可以親眼見到大宇演出了。

陶大宇唱《倒轉地球》再度爆紅 關注組人數激增：我笑到喊【下一頁】

{{hket:inline-image name="81.jpg"}}{{/hket:inline-image}}

{{hket:inline-image name="80.jpg"}}{{/hket:inline-image}}

此外，提到他的老友歐陽震華（Bobby）早前在社交平台，上載跳舞賀聖誕節的片段，有網民卻將Bobby和大宇的台風作比較，大部分人都認為大宇略勝一籌，後者笑說：「其實每個藝人一定有佢自己嘅個人風格，講到尾，無論精彩、搞笑，乜都好啦，都係想大家開心啫，等於食自助餐，大家鍾意食乜就食乜，由你哋自己去選擇。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}