【聲明】港生活網站並無進行電話推廣活動

大隻仔離巢無綫登上Netflix 溫家偉計劃闖荷里活:有夢就去追

發佈時間: 2022/01/04

還記得溫家偉嗎?這位當年選港男時,令伍詠薇要戴氧氣罩呼吸的大隻仔,不經不覺已離巢無綫兩年。家偉目前在新加坡電視圈發展相當順利,他參演的劇集《Last Madame》更登上Netflix,成為事業上的里程碑。目標遠大的家偉,望兩年後勇闖荷里活,希望像陳法拉一樣走上國際舞台。

溫家偉近兩年在新加坡發展演藝事業,拍下的劇集大受歡迎,成為當地人氣演員,亦開設製作公司。近日家偉短暫返港工作,他直言離開無綫之後,感覺如到達另一個新境界,發現世界原來很大。他說︰「好開心,除咗拍劇,我仲學埋剪片、執相、拍嘢等等,一無嘢拍我就去學嘢,增值自己,唔好畀自己停步。我啱啱做導演拍咗一個廣告,依家努力剪緊片,生活都幾忙碌!」

無後悔參加港男

在美國長大的家偉,總給人活潑佻皮的大男孩感覺;不過對於演戲,他非常認真,每次接到新角色,都會特地上堂學師。好像他正為演出新加坡警察一角做準備,在當地學習武術和開槍的技巧,「好彩我喺香港都拍過動作戲,唔算新人,學習完見到自己有進步,真係好開心。」

中文麻麻的家偉,笑言在新加坡拍劇時看英文劇本,感覺輕鬆不少,「喺TVB算係捱過一段時間,選擇出嚟發展係啱,因為有機會試唔同嘅嘢!(後悔選08年《香港先生》?)無!因為我永遠唔覺得自己揀嘅嘢係錯,而人生係揀完就無得返轉頭,諗下將來仲好啦!我參加《香港先生》識到好多朋友,唔係呢個比賽,我諗自己都唔會入行;如果唔係媽咪鼓勵我參加,我可能繼續教高爾夫球都唔定。」

視陳法拉為目標

家偉在新加坡已升呢做劇集男主角,他沒想過自己紅不紅,反而在拍劇的過程中得到成功感,也希望觀眾認同他的演技。他參演的劇集《Last Madame》(最後的媽媽桑)不但在釜山國際影展奪得「最佳亞洲戲劇獎」,更獲安排在國際串流平台Netflix上架,對他而言,絕對是事業上的里程碑。家偉表示身在美國的家人為他感到光榮,令他非常開心,「我好開心,希望繼續向西片方面發展,想過幾年去荷里活試下,因為見到陳法拉咁成功。其實以前有機會同法拉拍嘢已經好開心,佢一路一路行,去到拍Marvel!所以無論你喺邊度出身,只要有目標同夢想,乜都有可能。對我嚟講,Marvel真係好遙遠,完全係另一個世界,但法拉都做得到…所以有夢想就要去追,唔追永遠唔知會唔會成功。」

場地︰MOZY Cafe & Bar

撰文:楊安莉

攝影:黃紫維、王華婷

美術:梁政敏

大隻仔離巢無綫登上Netflix 溫家偉計劃闖荷里活:有夢就去追

08年參加《香港先生》時,家偉令見慣世面的伍詠薇缺氧,成為經典場面。(資料圖片)

大隻仔離巢無綫登上Netflix 溫家偉計劃闖荷里活:有夢就去追

家偉演出的新加坡劇集《Last Madame》登陸Netflix,事業發展更上一層樓。(IG圖片)

大隻仔離巢無綫登上Netflix 溫家偉計劃闖荷里活:有夢就去追

有「大隻仔」之稱的家偉,經常在社交網分享爆肌福利。(IG圖片)

大隻仔離巢無綫登上Netflix 溫家偉計劃闖荷里活:有夢就去追

家偉與同屬港男的羅天宇、許家傑等非常老友,一有機會便聚會。(IG圖片)