楊焉對疫苗成效有保留未想接種 餵母乳感無辜徬徨：點解我無得揀？

現年33歲嘅楊焉（原名：楊梓瑤 Carol）當年以「𡃁模」身份出道，憑34E驕人上圍被封「浸大E神」，曾紅爆寫真界！2014年楊焉退出娛樂圈，曾當辦公室文員，又曾學習泰拳、參與站立綜合格鬥比賽。近年她考獲瑜珈導師資格，正式轉型為瑜伽教練，不時於社交平台分享做運動心得，形象健康。

同場加映：青春本我丨文凱婷孫漢霖比賽冤家變緋聞情侶 築夢限期暫定3年望做出佳績

{{hket:ul-video id="5006"}}{{/hket:ul-video}}

Carol上年7月突然post出素顏大肚相，宣布懷孕31周，成為準媽咪嘅佢一臉幸福。10月時佢終於公開2個半月BB嘅靚樣，母愛嘅佢表示小生命嘅來臨成為佢想做得更好嘅動力，又表示每一日都面對唔同嘅挑戰。今日楊焉再次有感而發，字裏行間都睇得出佢嘅無奈同徬徨。

{{hket:inline-image name="271205070_347042350204889_3866509365160665982_n.jpg"}}{{/hket:inline-image}}

政府預告會2月24日起，將「疫苗氣泡」擴展至所有食肆、受防疫條例規限的處所和康文署豁下的場地等，換言之冇打針嘅市民人身受到更大限制。Carol留言：「相信好多準媽媽同餵緊母乳嘅新手媽媽都同我一樣，呢一刻都感到好無辜，喺無完善嘅數據下被一步一步咁迫向打疫苗道路上喺我剛知道自己懷孕時，咁啱政府開始推廣疫苗，最少有兩宗新聞講孕婦懷孕25周打疫苗之後胎盤自動排出體外流產。」

Carol堅持冇打針令佢成為「異類」：「喺我剛坐完月可以出街，政府開始實行要有80%以上打咗針先可以出席宴會，去觀禮嘅時候我要喺門口等所有有針卡嘅人入晒之後我先至可以進入會場，飲宴亦都係一樣。明白呢啲措施都係為咗防疫，雖然每次俾人問針卡我都冇嘅時候感覺好異族，不太良好，但都只好安慰自己我係盡緊一個媽媽嘅責任。」

Carol對疫苗成效有保留，更質疑有冇副作用，政府指引「雙重標準」：「有咗 (BB) 第一件事就係戒口，謹慎咁選擇食物希望自己有更好嘅身體可以生個健康寶寶。除非有特殊嘅情況，媽媽通常好少食藥即使傷風感冒，發緊高燒都要自然康復；餵緊母乳更甚因為唔想傷害到BB。我摸不着頭腦睇到政府網站竟然都表明餵哺母乳及懷孕可以接受疫苗，但係對上一欄不建議12歲以下接受疫苗？雖然有唔少嘅講法話媽媽打咗疫苗後可以將抗體傳畀BB，但打咗都中嘅時候又有幾多數據support呢一個講法？」

現時嘅情況下，Carol有可能要停止餵母乳，令佢感到非常無奈：「作為媽媽，有邊一個唔想保護自己嘅小朋友、畀最好嘅嘢佢？對初生BB嚟講，疫苗會比母乳更重要嗎？換句話講如果我要make sure 寶寶嘅安全，我將要被迫放棄餵母乳，如果唔係請問如果萬一發生任何意外危及小生命咁點算？點解我哋無得揀嘅？」

撰文：黃蘊姿