無否認緋聞 菊梓喬激讚吳卓羲人品好

菊梓喬（Hana）與吳卓羲（Ron）的緋聞傳得鬧哄哄，Ron更帶家人睇除夕騷捧Hana場。不過二人似乎已「夾定口供」，雙雙不回答是否情侶關係，但沒有否認戀情。Hana昨日出席《慈善星輝仁濟夜》記招時，雖然不回應感情狀況，但大讚Ron人品好。

菊梓喬早前演出除夕跨年騷，獲吳卓羲帶家人到場欣賞，Ron受訪時亦無否認戀情。Hana昨日出席活動記招時，提到Ron捧場時說︰「多謝支持。（Ron係男朋友？）唔講呢啲喇。」問到二人是否發展中？她只說︰「依家專心工作。其實嗰晚（除夕）有好多朋友都帶屋企人嚟睇騷，我見到咁多觀眾都好開心。」可覺得Ron正在追求她？Hana笑說︰「感覺嘅嘢個個唔同。（公司要求低調處理戀情？）公司無講。」至於下月情人節，她透露將為一個婚禮表演，「其實我無論有無拍拖，自己都無慶祝過情人節。」

問Hana對Ron有何感覺，她忍不住大讚︰「佢係一個好好嘅人，好敬業嘅前輩，演戲又好睇。」提到Ron是圈中出名的孝順仔，Hana說︰「孝順、心地好嘅人，有邊個唔鍾意？我都鍾意心地好嘅人。」而Ron前晚與湯怡出席《致命24小時》首映禮時，問到會否邀請Hana睇首映，他即說︰「自動自覺啦，係支持梗係買飛啦！不過我都無諗過叫人嚟睇戲。（之後會再陪佢睇？）唔好講呢啲。」他又自爆拍劇時試過連續七日沒睡，「當時真係得番個軀殼，完全諗唔到嘢。」

胡鴻鈞為報恩拍《衰神》

另外，胡鴻鈞昨日與Hana一同出席《慈善星輝仁濟夜》記招，胡鴻鈞笑談小時候對籌款節目的回憶︰「細個嗰陣，好想喺籌款節目上見到自己個名，所以捐咗500蚊，但結果都見唔到自己個名。」提到他主演的《愛上我的衰神》明日大結局，他說︰「十集好快過，我好開心套劇口碑幾好，劇集監製方駿釗亦係《降魔的》監製，佢係我其中一個恩人，所以唔使睇劇本都會應承佢拍。」

撰文︰Iris、Pauline

美術︰梁政敏

攝影︰林良明（部分）