姜濤第9首單曲《鏡中鏡》在本月2日推出，於網上平台上架後短短數天，已經錄得超過百萬點擊率。由於這首歌是姜濤在今年的第一首作品，算是送給「姜糖」的新年禮物。今日，姜濤為宣傳新歌，上商台《叱咤樂壇》節目接受訪問，提到1月1日獲得兩個大獎，姜濤說：「冇乜點慶祝，頒獎禮之後MIRROR要拍MV，我就食足三餐當慶祝咗！」至於新歌《鏡中鏡》，原來姜濤事前將自己的想法寫下千字文，並給予填詞人小克，沒想到收到歌詞時，對方完全寫出他的心聲，令他非常開心。
同場加映：【叱咤後台訪問】Anson Lo@MIRROR直言被林海峰嚇親 張敬軒票數輸姜濤心服口服
姜濤表示：「入行之後一直好擔心，因為呢一行條路好漫長，除咗可愛、得意形象，其實自己仲有好多面未畀大家睇到，或者公司包裝會少咗一面冇畀大家睇到。過去一年，好多時會質疑自己，情緒好差，加上好多外界聲音同發生好多事，唔知自己做乜緊，特別係得到第一次『我最喜愛的男歌手』之後，我質疑自己到底有咩可以畀到觀眾？第一步解決問題就係將自己真實一面畀大家睇，大家喜歡唔喜歡都好，起碼我將呢一面拎咗出嚟先。」他表示去年年初推出《Master Class》時心態上是衝動和不成熟，抱住反抗、反擊的心，想去回應攻擊自己的人，但最終問題沒有解決，他說：「最重要嘅階段……就係想同呢啲聲音共存，因為質疑聲音係無止境，冇辦法一直對抗，試吓帶住呢啲聲音去行。」
姜濤表示已習慣從小到大跟自己相處，「令自己唔開心都係自己，開解自己都係自己，最好朋友就係自己。（最介意外界話你乜嘢？）冇，話咩都有……可能係『拍咁多廣告唔係歌手』，自己質疑自己。」這句說話似乎正正是C AllStar公司高層阿拔IG所說的話。
新曲MV赤裸揭露成名代價 姜濤︰真正可怕是內心的聲音【下一頁】
姜濤透露有睇小克的著作，欣賞對方的地方，不止寫情歌方面，而是去到宇宙、能量的層次，他說：「最近都研究好多佛學、莊子、老子等等，人與人之間有種緣份，我覺得自己入行之後，由第一首歌行到而家，都係靠某種力量幫忙，亦係人生最好嘅安排。我好想知道自己前世係咩？因為我呢一世好多莫名其妙記憶，有一組密碼唔知點解喺我心入面，而組數字係毫冇意義，我銀行帳戶、信用卡都係用呢組數字，我估係前世用嘅密碼。」
提到人生目標，姜濤認為以前是買樓退休和美食，問到是否有25歲退休計劃？姜濤說：「25歲係誇張咗，冇諗幾多歲退休，順其自然啦！人生冇話一定要點……可能下年呢？哈哈哈，講笑，唔會唔會！而家唔敢講有咩追求，希望係我離開呢行之後，大家覺得姜濤係幾好，大家記得我個名係姜濤而唔係姜B。（你唔鍾意姜B呢個稱呼？）姜B呢個名帶畀我好多好多嘢，不過始終想人了解真正自己，姜B只係我嘅一部分，呢3年佢都攰喇……」
叱咤樂壇頒獎典禮丨姜濤冧莊連掃兩獎爆喊憶亡友 MIRROR林家謙成大贏家【下一頁】
其實每次推出歌曲時，姜濤均當成是自己的「BB」出世一樣重視，難怪他在日前特別現身銅鑼灣「姜濤灣」。姜濤在IG限時動態先後出帖，片中可見他穿上黑色有帽衛衣、黑色短褲及黑色leggings，在友人陪同下出現在「姜濤灣」的一個商場外，他停下來，抬頭望住商場外牆，欣賞「姜糖」（姜濤fans的暱稱）為其新歌的大型應援宣傳牌；此時，一位男途人認出他，姜濤立即快走離開，之後又示意友人跟他一起跑。
1月1日元旦日，姜濤在《2021年度叱咤樂壇流行榜頒獎典禮》上以個人身份獲得「叱咤樂壇我最喜愛的男歌手」和「叱咤樂壇我最喜愛的歌曲大獎」，當時他在台上說：「同香港呢個地方講，我曾許下一個諾言……好多人話今年唔知我講緊啲乜嘢……喺呢個地方，我好有信心講，香港一定會係亞洲第一！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】