吳若希與海味太子同學貧富懸殊 初到港有鄉音被取笑成學習動力

吳若希（Jinny）經營個人YouTube頻道，早前Jinny上載片段「吳若希屋邨妹成長記」，帶大家重遊佢成長地荃灣。最新一條影片仲搵到佢嘅小學同學出鏡，二人聚舊時Jinny透露自己當年嘅「新移民」經歷。

同場加映：青春本我丨文凱婷孫漢霖比賽冤家變緋聞情侶 築夢限期暫定3年望做出佳績

{{hket:ul-video id="5006"}}{{/hket:ul-video}}

Jinny行到荃灣一條比較幽靜嘅街道上，講述自己以前放學嘅時候，成日都經過呢度，之後仲請嚟佢嘅小學同學一齊遊荃灣和佢哋當年就讀嘅小學。Jinny大讚呢位小學靚仔，係當年嘅校草，又指對方嘅樣貌似周柏豪。呢位「翻版周柏豪」其實係海味店太子仔，仲請Jinny試食舖頭嘅鮑魚，太子仔指住舖頭嘅元貝表示︰「呢啲就係我細細個嘅零食啦！」Jinny就話自己童年同對方好大對比︰「零食呀？嘩！呢個同我細細個好唔同！因為我細個真係攞兩蚊買個快餐店雪糕都已經覺得好貴！」Jinny之後表示自己細個都經常喺呢頭，因為佢媽媽就係喺附近嘅salon返工，幫人染頭髮。

{{hket:inline-image name="1.JPG"}}{{/hket:inline-image}}

小學同學大爆Jinny讀書時身高已是「高人一等」，佢指自己對Jinny第一個印象係「點解有個學生同啲老師差唔多高？」Jinny又講到一件往事，指小學同學曾經取笑佢：「嗰時我啱啱落嚟香港，廣東話都未講得正，有一次，Jinny將塗改液講成「塗改（葉）。」之後Jinny就被呢位小學同學取笑，同學仔即時回應︰「原來我咁衰㗎！」不過Jinny一啲都冇介意，仲話當佢畀人笑完就知道原來唔係咁講，仲好厚面皮咁問佢正確嘅讀音。將人哋嘅取笑化成動力，真係好正面呀！

Jinny細個雪糕都要諗過度過，但原來佢爸爸本身喺福建經營酒店，家境富裕，無憂無慮。不過吳若希7歲時家中遭逢巨變，爸爸嘅酒店生意一落千丈，而且更因爛賭孭落一身債，最後需要破產。吳若希10歲時跟隨家人移民來港，因為廣東話差經常被同學恥笑，學業亦跟唔上。

吳若希誓要出人頭地，積極改善生活。16歲入行前學唱歌、樂理、樂器等，自從加入無綫做主持和拍劇，吳若希人氣急升，主唱電視劇《使徒行者》的洗腦插曲《愈難愈愛》街知巷聞，成功脫貧。

撰文：黃蘊姿