羅蘭孑然一身視姨甥為子女 備受劉德華古天樂尊重拒上契

現年87歲的羅蘭獨居多年，至今仍未結婚，她曾表示很享受單身生活，「男人20幾歲鍾意20幾歲女仔，到咗80歲都係鍾意20幾歲嘅女仔……能否過快樂嘅獨身生活好視乎性格。」最近，羅蘭接受《晴報》專訪，問她可有想過兒孫滿堂？她笑說：「我又無喎！我無結過婚，但我家姐結咗婚，生咗六個仔女，以前啲人生完一個又一個，佢有四個仔兩個女。姨甥女兩夫婦好有心，天氣凍就打電話嚟，問我使唔使拍嘢開工，記得着多件衫保暖；天氣熱又會打嚟，提我帶遮帶水，佢哋咁有心，使乜自己生吖，哈哈！有呢兩個姨甥已經夠晒，真係好乖好孝順，我當正係自己仔女。」

同場加映：異搜店丨林漪娸凍齡襟睇敢以素顏演阿媽 「演戲好開心 唔介意做綠葉」

{{hket:ul-video id="5056"}}{{/hket:ul-video}}

{{hket:inline-image name="800_7bc29d312d892a5dc61f567bc0bbaea4.jpg"}}{{/hket:inline-image}}

{{hket:inline-image name="25_600.jpg"}}{{/hket:inline-image}}

羅蘭在演藝圈，亦得到圈中人尊敬，例如與古天樂很有緣，羅蘭曾指古天樂對她很好，經常會接載她返工收工，而劉德華亦很疼錫她，問到她會否效法好友胡楓收他們做契仔？羅蘭說：「我唔使刻意收契仔契女㗎，佢哋自動自覺叫我做阿媽。好似張國強咁，佢喺好多劇裏面做我個仔，拍戲以外佢都叫我媽媽，一得閒就打畀我話『媽媽，飲茶喇』，佢會嚟車我、周驄同修哥去飲茶。又例如我同麥長青拍完一套戲，我做佢大姊，佢到今時今日都咁叫我，佢哋好有心。」羅蘭坦言年紀愈大，就會十分珍惜跟朋友見面的時間，她說：「我都87歲，修哥同周驄89歲，所以一得閒就約食飯，近排修哥好勁呀，佢有兩三套劇拍緊，成日都聽到佢話開工。」

羅蘭家貧17歲出道入行 信仰無阻演「龍婆」一角【下一頁】

雖然年紀大，但羅蘭從來沒有想過退休，她說：「橫掂我都係坐喺屋企，點解唔拍？我體力仲應付到，而且導演好錫住老人家。好似我同修哥拍《一屋老友記》，導演會特登拍快啲，等我哋早啲收工，所以返嚟（拍廠景）最好拍多啲，始終都要拍㗎嘛！」由於羅蘭跟無綫有合約，所以她不可以現身其他電視台，對於近年ViuTV跟無綫打對台搶收視，羅蘭坦言沒看過友台的劇集，「我唔知佢哋有咩劇，無睇呀，因為睇唔到，90幾台我撳唔到，ViuTV我唔知係幾號台！」當得知ViuTV是99台後，羅蘭即以英語告知在場的傭人，英語相當流利，但她謙虛笑說：「我係得呢幾句㗎咋，仲有『Yes』、『No』。」

愛上我的衰神｜羅蘭與胡鴻鈞嫲孫情感動網民 「嫲嫲要喺第三維度看守住北河」【下一頁】

{{hket:inline-image name="100.jpg"}}{{/hket:inline-image}}

{{hket:inline-image name="WAH02163.jpg"}}{{/hket:inline-image}}

此外，對於剛剛播映完畢的劇集《愛上我的衰神》，她飾演胡鴻鈞的潑辣嫲嫲「四妹」，經常向胡鴻鈞破口大罵，她形容自己的演出無理取鬧，而且愈鬧愈 有火，「我真係歇斯底里咁鬧，同以往角色好唔同，不過無辦法，劇本係咁，我哋做演員嘅惟有照做！雖然要嗌破喉嚨，但我又無話特登煲咩湯水護聲，因為太甜反而會惹痰。」羅蘭跟胡鴻鈞首次合作，她大讚這個後輩斯文又乖巧，「佢真係好乖，唔會點出聲，唔使埋位時都唔會不停喺度講嘢，係比較另類嘅後生仔。」

採訪︰倪小珊

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}