恩師高晨維出嫁 炎明熹送上神秘禮物

炎明熹（Gigi）去年成為《聲夢傳奇》三料冠軍，所謂「嚴師出高徒」，Gigi的歌唱老師高晨維（Cleo）功不可沒，Gigi亦十分感激Cleo對她的栽培。前日，Cleo在社交網宣布結婚，與同是歌唱老師的Nic Lau拉埋天窗，身為徒弟的GiGi獲邀見證老師的重要時刻，但GiGi要趕返電視城出席晚上舉行的《仁濟》活動，所以逗留一會便匆匆離開，認真頻撲。

GiGi前晚接受《晴報》訪問時表示︰「我下午抽咗啲時間去，好多謝公司同經理人畀時間我去慶祝老師嘅婚禮，因為老師對我嚟講真係好重要，好多謝佢邀請我。（送賀禮畀佢？）暫時未有，但我有準備少少禮物畀佢，但係乜嘢我就唔講喇。」新娘子Cleo前日亦上載多段婚禮影片，最搞笑的是她穿上旗袍，親自駕駛開篷車去註冊，新郎Nic則坐副駕駛座拍片，不少網民留言讚Cleo十分有型。