ERROR成員｜郭嘉駿梁業32歲生日各自推solo歌 193「自肥」課金邀林明禎做MV女主角

男團ERROR成員郭嘉駿（193）和梁業（肥仔）將於本周五（14日）32歲生日當日各自推出單曲。今日兩人出席新歌宣傳活動，193「自肥」課金邀大馬女神林明禎擔任MV女主角，而肥仔則希望藉著新歌感謝家人及經理人花姐。

同場加映：IT狗丨Lokman顛覆IT界毒男形象照鬥廢 笑對與Frankie Stanley被列「下弦」

{{hket:ul-video id="5064"}}{{/hket:ul-video}}

{{hket:inline-image name="DSC_4943.JPG"}}{{/hket:inline-image}}

兩人都表示solo歌原定在去年年底推出，並沒有刻意遷就生日，怎料輾輾轉轉，生日出歌又撞正女團成軍，193笑言：「女團跳住舞賀我哋生日！」今次193再度參與填詞部分，指希望衝擊唱作人獎項，他指上次《睡到三點》以打動MK妹為目標惜不果，「今次會認真少少」，透露新歌《再次Puppy Love》邀得林明禎任MV女主角，「返母校拍攝，我都有同校長傾偈嘅，但係校長唔鼓吹戀愛。本來我諗住同林明禎頭貼頭，校長都話唔得！就算喺校外做呢個動作都話唔畀，所以最後只係掂一下手仔。講開我又有啲嬲，導演拍林明禎拍咗成個鐘，對住我就淨係拍15分鐘。」

{{hket:inline-image name="DSC_4978.JPG"}}{{/hket:inline-image}}

至於肥仔的新歌《Dear MAMA》就希望憑歌寄意多謝媽媽，他笑稱︰「姜濤有《Dear My Friend,》，我都希望可以叨到佢光，加上Anson Lo又喺韓國嘅『Mama』頒獎禮攞獎，如果有人search呢啲字眼都有機會留意到我首歌。」身旁的193教他考慮黐住MIRROR的名牌，盡量不要用英文及數字，肥仔笑著附和。

肥仔又說將新歌送給父母及經理人花姐，他感謝花姐一直以來的支持。肥仔說是透過製片接觸鮑姐（鮑起靜），誠邀對方拍攝MV，起初都擔心她不認識自己，「但見面時竟講得出我個名肥仔！」193笑謂：「係咪見你係肥仔，所以先叫你『肥仔』咋？」

193即將生日，歌迷會「193Club」準備連串應援計劃，當中以生日主題巴士最搶鏡，路線1A的巴士車身以黑色為底色，搶眼有型，車中無論電視位、樓梯位、椅背及天花等，全部皆有193嘜頭，相當有心思。據知主題巴士本月4日起，在路上行駛2個月，滿足粉絲打卡需要。

至於跟193同年同月同日生的肥仔，一眾「小草（肥仔粉絲）」亦準備生日主題巴士應援，路線116的「月巴」號由昨日起一連8星期游走港島鰂魚涌至九龍慈雲山，整架巴士以超搶鏡鮮綠色為主色，非常特別。

193@ERROR│郭嘉駿終單飛出歌一日30萬點擊 「點會黐線鍾意我而唔係姜濤？」【下一頁】

採訪：Pauline

U Lifestyle App自家節目登錄《U TV》專區！

↓↓試玩、試食、試用影片任你睇↓↓

【立即體驗】