早霸王丨姜濤自爆貪靚照鏡先關心鼻毛 竟然鍾意睇鄉土劇減壓？

姜濤今早（11日）接受由森美、小儀和Marco主持的商台節目《早霸王》的訪問，宣傳新歌《鏡中鏡》，小儀表示要玩彈額頭，「姜濤出名玩彈額頭好叻㗎，佢係會令到對方即刻投降，佢同Dee（ERROR成員何啟華）Battle係最癲。」姜濤知道玩這個遊戲，開心得立即拉筋，豈料他最終猜輸了，森美乘機看姜濤的手掌，大讚他有「富貴命」。最後，由小儀負責彈姜濤額頭，姜濤表示OK！

同場加映：IT狗丨Lokman顛覆IT界毒男形象照鬥廢 笑對與Frankie Stanley被列「下弦」

{{hket:ul-video id="5064"}}{{/hket:ul-video}}

{{hket:inline-image name="48.jpg"}}{{/hket:inline-image}}

{{hket:inline-image name="56.JPG"}}{{/hket:inline-image}}

對於姜濤鮮為人知的事，他竟然大方地放下偶包，分享自己照鏡時，首先會看看自己的鼻毛是否已拔掉，姜濤說：「有一個廣告，我唔記得抆（鼻毛），佢就好大咁成個貼咗出街，跟住就有fans指住……之前冇意識到咁嚴重，因為男仔都唔係好care呢啲；但自此之後，照鏡嘅時候會照咗個鼻先。」森美笑指真是「鼻毛可避」。

姜濤懷疑擁有前世回憶和密碼 再談退休：姜B呢3年都攰喇...【下一頁】

談到姜濤的秘密，他分享自己閒時很喜歡播網上嗌交片，姜濤笑說：「我覺得好熱鬧，我鍾意播街坊同街坊嘅嗌交，可能大家為咗個橙而嘈嚟嘈去，我播呢啲，就會覺得屋企好熱鬧。」3位主持聽後笑到拍晒手掌，小儀笑說：「你覺得熱鬧咋嘛，你得閒搵我哋3個同你傾吓偈就得㗎喇！」森美笑指難怪剛才自己跟Marco鬥嘴時，姜濤看到很enjoy。Marco問他喜歡的嗌交片是否需要有對白，姜濤認真說：「我鍾意由零開始。」

叱咤樂壇頒獎典禮丨姜濤冧莊連掃兩獎爆喊憶亡友 MIRROR林家謙成大贏家【下一頁】

{{hket:inline-image name="71.JPG"}}{{/hket:inline-image}}

{{hket:inline-image name="73.JPG"}}{{/hket:inline-image}}

問到除了愛看別人嗌交片之外，還喜歡看甚麼片？姜濤帶點尷尬地笑說：「其實我好鍾意睇一啲鄉土劇，因為入面有好多嗌交情節。我平時拍廣告，喺休息嘅時候，大家會喺我間房，聽到好多方言、鄉音……總之鄉下嘅嘢，我都好鍾意播出嚟。而家好多後生仔話好鍾意睇Netflix，邊套新劇，其實好多時我都跟唔到，我好鍾意睇婆婆同新抱嘅爭執，可以令我放空、傻笑，將自己嘅快樂建立喺人哋嘅痛苦身上。」小儀問他有否將這類片種推介給朋友？姜濤就表示不夠膽。

森美透露姜濤曾經問他「鍾意聽咩歌？」，原來這條問題足足縈繞森美一年，姜濤聽後也大感驚訝，森美解釋：「我幾時有答唔到嘢嘅時候……」小儀即說：「你咪講番啲唔係佢年代嘅歌大番佢囉！」森美笑說：「我唔係要大人……」姜濤也笑著說：「我都冇諗住大佢！」Marco欲打圓場：「最重要係而家已經唔再重要，亦都唔再想知。」森美接著說：「黐線，姜濤你想唔想知呀？」被擺上枱的姜濤即時語窒：「都……呀……點呀？點答呀應該？」森美即說：「呢個問題令我覺得呢個人係鍾意音樂，所以擺咗喺我個心一年；至於我點解唔好好同佢傾音樂，因為當時要拍嘢。」姜濤指當時見人就問這條問題，想調查大家喜歡甚麼類型的音樂。

全民造星IV總決賽丨大熱獸醫護士Marf冠軍入女團 Gao許軼分別奪亞軍季軍【下一頁】

{{hket:inline-image name="101.JPG"}}{{/hket:inline-image}}

此外，ViuTV《全民造星IV》完結後，冠軍Marf（邱彥筒）、亞軍Gao（沈貞巧）和季軍Day（許軼）直接入女團，而其他成員則在明天舉行的「《Hold Your Breath》Debut Stage」記者會正式宣布。MIRROR經理人花姐今日凌晨在IG貼了一張與MIRROR隊長Lokman和Gao的合照，留言寫道：「兩對我愛的耳朵，加油呀！」有網民立即留言問花姐：「兩個隊長？」、「阿Gao做隊長幾好。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}