與肥仔各自出新歌 193@ERROR自肥搵林明禎做MV女主角

郭嘉駿及梁業昨日一同宣傳新歌，他們笑言原定去年底出歌，沒有刻意遷就生日，誰知如今出歌又撞正《全民造星IV》女團成軍，193笑說︰「女團跳住舞嚟賀我哋生日！」繼《睡到三點》後，193再次為新歌《再次Puppy Love》填詞，他笑言想衝擊唱作人獎項，又表示已課金邀得林明禎任MV女主角，「MV返咗我母校拍攝，我有同校長傾，佢唔鼓吹談戀愛，本來我諗住同林明禎頭貼頭，校長都話唔得，就算喺校外做呢個動作都話唔畀，所以最後只係掂下手仔。不過講開我又有啲嬲，因為導演拍林明禎拍咗成個鐘，對住我就淨係拍15分鐘！」

至於肥仔將推出新歌《Dear MAMA》，希望憑歌寄意多謝母親。他笑指新歌是叨MIRROR光：「因為姜濤有首《Dear My Friend,》，加上Anson Lo（盧瀚霆）又喺韓國MAMA頒獎禮攞獎，如果有人喺網上搜尋呢啲字眼，就有機會留意我首歌。」肥仔冀將新歌送給父母之外，還想送給花姐，感謝花姐一直以來的支持。此外，肥仔找來好戲之人鮑起靜（鮑姐）任新歌MV女主角，他笑言是透過製片接觸鮑姐，起初擔心對方不認識他，但見面時鮑姐竟知道他叫肥仔，193聞言笑說︰「係咪見你係肥仔，所以先叫你『肥仔』咋？」

服裝：CLOT x Levi's（193）、CLOT（肥仔）

場地：ohm industries

化粧：Cori Wong @ AnnieG. Chan Makeup Centre

髮型：Denny Ku @ CHIC Private i Salon