人命關天︳當值期間不適自行求醫遭上司質疑 救護員嘆：出現差錯受害嘅唔止我！

救人要緊，救護員往往要隨時候命，但其實他們都是正常人，都會有生病的可能。有消防救護員近日在網上訴苦，指早前當但期間身體不適，自知在此狀態下未能爭分奪秒救人，遂自行求醫。未料康復後上班時，竟被上司用一句說話質疑，救護員因而感到心灰，無奈表示：「一旦出現乜嘢差錯，受害嘅唔止係我！」

同場加映：

患神經纖維瘤身體內外長滿「炸彈」 被誤當傳染病曾欲輕生自強抗病

{{hket:ul-video id="5055"}}{{/hket:ul-video}}

Facebook群組「公務員secrets」周日（9日）刊登一則投稿，事主指自己是一名消防救護員，一直對緊急救護服務充滿熱誠，「無論個案有幾咁無聊，召喚本質係幾咁所謂濫用，從本心出發都係急病人所急。喺嚴重個案做到嘢幫到手自然滿足，無聊個案咪當載人一程。」直至一次發生不快之事，令他的信念開始動搖。他指出，早前自己當值期間身體不適，為免工作出錯遂立即求醫，

「自知狀態做唔到，始終呢份工遇到嘅事講緊可以係人命嚟。」

未料康復後上班時，事主卻被上司質疑「扮病」，

「救護主任見到我唔係關心下屬嘅病況，而係當咗所有睇醫生嘅夥計都係賊，質疑我患病嘅正確性。佢表示『既然要即時離開，點解唔叫救護車去急症室』？」

事主感到十分心淡及無奈，表示從事緊急醫療服務多年，自知當時病情未去到需要救護車及急症室服務的程度，但非常清楚以當日身體不適的狀態去執行緊急救護工作，

「一旦出現乜嘢差錯，受害嘅唔止係我，仲有我嘅同事同傷病者。另外我亦唔想加重本身資源已經緊絀嘅急症室同緊急救護服務嘅負擔，所以我決定離開，到公營診所求診同拎藥食。」

雖然事主坦言「呢個救護主任嘅語氣同態度令我sad（難過）咗幾日」，但他矢言不會被磨滅對拯救生命的鬥志、救急扶危的抱負，並會保持醫護工作的專業。

對此，不少網民均留言力撐事主並為他打氣，希望他不要被上司影響救急扶危的熱誠：

（↓點擊圖片放大↓）

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】 

每朝索取《晴報》：精明生活．健康家庭．開心娛樂

責任編輯：李凱晴