艾威耗盡積蓄為前妻醫病離婚收場 再見亦是拍檔合作搵錢互相支持

藝人艾威去年與太太Lisa離婚，結束18年婚姻，不過二人冇因愛成恨，再見亦是朋友，最近一齊合作做生意。艾威、Lisa同吳志雄有份投資嘅新店日前開幕，艾威表示精神上同金錢上同前妻都互相支持。

同場加映： 原子鏸誕可愛混血BB視家庭為首 媽媽鄭佩佩身體變差見孫仔開心晒

{{hket:ul-video id="5100"}}{{/hket:ul-video}}

本身從事內衣及泳衣生意嘅Lisa，半年前經朋友介紹下投身鐘錶業，認識咗生意拍檔，原來對方更係艾40年老友。Lisa表示享受現在的家人關係，佢話：「人生時光會經歷開心唔開心，唔使太執着，寧願揀開心，我唔太鍾意發脾氣，嗰段時間成日喺屋企等佢，而家可以做想做嘅事，好輕鬆，唔使等。」艾威就表示：「覺得我哋相比其他有相同經歷的離婚夫婦，我哋關係好啲，唔會係仇人，關係係變咗，只係用另一種關係相處。」

{{hket:inline-image name="VA2eDhoiVu4-cFc1G0msP4Fnyc1DKNwwD15XLQ9eVy0.jpg"}}{{/hket:inline-image}}

艾威透露會留於香港過年，預計3月去內地拍戲，又自稱買錶不知價錢，又自爆曾送錶給羅嘉良，原來當時飲醉，收到對方送紙扇就豪送手錶作回禮，不過羅嘉良幾日後就整唔見咗，令艾威嬲爆。Lisa亦爆當年同艾威識咗冇耐對方就送錶畀佢，認真闊綽。

62歲艾威上年8月與前妻離婚，艾威曾為太太花光積蓄，做手術切除14磅子宮瘤，當時艾威得知太太可能需要換肝同腎時，亦表示甚至願意捐畀太太，艾威嘅舉動獲得唔少人讚許，佢只係表示覺得係「天經地義」，可惜二人卻未能走到白頭。二人婚後一直冇子女，但就養咗一隻伯恩山犬Sashimi，並視為親子，離婚後艾威已賣出西貢住所，並帶着愛犬與Lisa分居。

撰文：黃蘊姿