陳嘉寶（Anjaylia）與丈夫黃頌祈（Epaphras）去年報喜，第三度懷孕，成功三年抱三位千金。第三胎原來在年初已經出世，母女平安，恭喜！恭喜！Anjaylia笑言：「完成壯舉，理想達到！」她的預產期本於去年年尾，最後亦一如「媽媽所願」，待她歡度完聖誕及元旦BB才出世，結果「逾期居留」至月初出世，BB出生時重7.2磅，並已取名為Azaliah。
在誕下Azaliah一刻，Anjaylia感動極了，她說：「好感動呀！尤其係醫生即刻將初生BB擺喺我心口，畀我抱咗好耐，之前兩個女都冇畀我抱咁耐。啱啱上一刻仲明明喺肚入面，突然之間就出咗嚟擺喺心口上面，感覺好神奇。」
同場加映：原子鏸誕可愛混血BB視家庭為首 媽媽鄭佩佩身體變差見孫仔開心晒
三年抱三｜陳嘉寶首次曬大肚相證真‧懷孕 自嘲似豬八戒：感覺好赤裸【下一頁】
其實英文名字Azaliah的由來，是Anjaylia與丈夫黃頌祈深思熟慮、從聖經中找出來的，Anjaylia說：「英文名『Azaliah』係喺聖經入面搵嘅，我知道實會畀人話我哋幫囡囡改嘅名都好難讀，哈哈！其實呢個係一個傳統，因為先生近五代都係基督徒，呢幾代都係會喺聖經裏面搵英文名，我哋都要跟傳統，其實都搵咗幾個月，搞咗好耐，頭兩個女嘅名Hosanna、Eliana都係有意思嘅，Hosanna嘅意思係asking for God、Eliana嘅意思係God had answered，我想將呢個故事延續落去，Azaliah嘅意思係God has reserved，Azaliah同我個名讀音好似，就當係送畀自己多一份禮物。而中文名就留番畀爺爺同嫲嫲改，中文名意思係想向長輩致敬嘅。」
而兩位姊姊第一眼看到妹妹Azaliah，各有不同反應，Anjaylia說：「佢哋好鍾意BB。大女完全冇呷醋，同我哋講話『我好鍾意Azaliah』；細女成日想摸佢，有少少呷醋，有陣時見我抱BB都會埋嚟叫我抱。」
32歲的Anjaylia已為三女之母，也宣布封肚了！她現時要好好坐月，保養好身體後才能繼續向夢想進發，為三個女兒作個好榜樣，她說：「啱啱播梗我有份參與嘅ViuTV《IT狗》，等我坐月嘅時候可以睇吓劇輕鬆吓，好開心呀！而家好好調理好身體，之後就有動力做自己想做嘅事。對於BB嘅期望，最緊要係佢哋健健康康、開心平安，我同先生意向一致，生仔生女都冇所謂，我已經完成一個壯舉，我同先生最大嘅目標係希望有三個小朋友，年紀近啲，可以一齊成長，真係好開心嘅事！三個女一齊玩，大女會識得保護妹妹，二女、三女學嘢又會學得好快，呢個策略成功！哈哈！」
三年抱三丨陳嘉寶被追問長洲人生仔有地分 澄清冇身家分：去翻睇《溏心風暴》【下一頁】
正所謂三個女人一個墟，估不到Epaphras最享受，Anjaylia說：「又多一個女圍住，佢好唔得閒嘞！我冇乜事就去出先，佢搞掂晒！哈哈！諗番起老公一知道係女嘅時候，就開咗支靚酒，仲請朋友食飯慶祝，而家生完三個，理想達到嘞！」而Anjaylia與老公也保留傳統，每個孩子總會訂製一張小被子作禮物，Azaliah擁有父母送給她的這份傳統小心意，平安健康就好！
此外，早前Anjaylia的一班好友為她舉行gender reveal party，她笑說：「好開心！因為我超級懶，baby shower都唔想搞，亦唔想朋友破費，我只係希望可以同一班好close嘅朋友傾吓偈，食餐飯開心一吓，點知一班朋友就幫我安排好呢個party！最好笑其實係自己同老公、一班朋友一早已經知道BB性別，但大家為幫我一嘗心願，畀機會我篤波波（揭露BB性別的儀式），過一過癮，真係好sweet。」
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】
責任編輯：楊安莉