慳錢攻略 ︳食三餸飯12年老手公開4大買飯心法 免費加大餸菜分量

政府宣布收緊多項社交距離措施，包括禁晚市堂食至農曆年初三（2月3日），很多市民晚上都會買外賣，兩餸飯更是不少人慳錢之選。一位擁有「12年買三餸飯經驗」的網民，近日分享自己4大買飯心法，教大家如何免費加大餸菜分量，令網民大感佩服，有人大讚他非常精明，有人則認為過算市儈。

同場加映：
管家王 ︳家務達人教大掃除秘技 洗抽油煙機+抽氣扇+發霉膠邊攻略

{{hket:ul-video id="5111"}}{{/hket:ul-video}}

飲食攻略︳自助餐狂食2大穴位快速紓緩胃氣脹，食西冷牛扒海鮮唔怕肥4招健康「回本」，詳情即睇：【下一頁】

一名男網民上周二（11日）在Facebook群組「香港兩餸飯關注組」中發帖，分享自己購買三餸飯12年的經驗和心得。他形容每次買三餸飯都是一個挑戰，「人生嘅歷練似乎喺呢一刻要發揮晒出嚟」，因為點菜時店員都會催促指「快啲講食咩餸」，估計對方此舉背後是要控制每道菜的分量，故此歸納出購買三餸飯4大貼士，以增加餸菜分量。

↓ 點 擊 圖 片 放 大 ↓

1. 先了解餸菜性質

事主指餸菜可分為「可量化」和「不可量化」，雞槌、雞翼、豆腐、蒸魚等均有特定數目，為「可量化」餸菜，或會因主觀因素減少應有分量；至於蕃茄炒蛋、粟米魚柳、蒸排骨等餸菜的分量則是「不可量化」，因「每一次分量都會唔同，你數唔清有幾多粒，你都永遠唔會知道今次係蕃茄多定係蛋多」。

2. 第3道餸分量或會較少

事主指一般情況下，第3個餸的分量會較少，「因為頭2個餸已經就嚟塞爆個飯盒」，

「所以如果你嘅第3個餸係『不可量化』的話，只能夠同你講下次再試過啦。」

3. 先叫兩餸飯再「轉軚」

事主建議可先向店員聲稱要兩餸飯，而且兩道餸必須為「不可量化」，當兩款菜式已「塞滿飯盒」時，再向店員表示：「呀！我都係要多個餸啦」，這時就可點「可量化」菜式，

「佢（店員）唔可以因為頭兩款餸嘅分量太多，而減少第3款餸嘅分量，簡單啲講即係『硬食』，佢點都要畀番足夠分量嘅第3個餸你。」

4. 讓自己和店員堅信要兩餸飯

事主提醒在點菜時，要讓店員堅信你是要兩餸飯，「基本上你係要連自己都呃埋咁滯」，再在適當時候提出要第3樣餸，形容「通常喺繁忙時間裡面，對方都會因為咁突然嘅要求不知所措。」

網民：市場專業分析 VS 試多幾次阿姐會記得

不少網民看到帖文後，大讚事主非常精明，形容他是兩餸飯「經濟學家」，並感謝他的無私分享，亦有網民分享自己購買三餸飯的心得和攻略。

↓ 點 擊 圖 片 放 大 ↓

惟不少網民認為如多次以同一手法購買三餸飯，店員或會記得，直言「到時再扮都冇用」，亦有網民指與其要辛苦算盡食物分量多少，倒不如直接選擇自己喜歡的菜式。

↓ 點 擊 圖 片 放 大 ↓

開胃方法 ︳日本節目實測自助餐開胃秘技，事前吃一種食物食量增50%【附醫生解說】，詳情即睇：【下一頁】

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

每朝索取《晴報》：精明生活．健康家庭．開心娛樂

撰文：蘇麗儀