江欣燕參加新秀為見偶像梅艷芳 「好似『鏡粉』鍾意MIRROR咁」

江欣燕（欣欣）在1985年時還是一名中四學生，自言從來缺乏自信的她，一直視自信十足的梅艷芳（梅姐）為偶像，為見梅姐，欣欣毅然報名參加《第四屆新秀歌唱大賽》，同屆參賽者有杜德偉、黃寶欣、蘇永康、林楚麒、吳國敬、莫鎮賢等等。雖然欣欣未獲任何獎項，但獲無綫賞識簽為旗下，展開演藝旅程。

同場加映：原子鏸誕可愛混血BB視家庭為首 媽媽鄭佩佩身體變差見孫仔開心晒

{{hket:ul-video id="5100"}}{{/hket:ul-video}}

{{hket:inline-image name="10.JPG"}}{{/hket:inline-image}}

{{hket:inline-image name="49.JPG"}}{{/hket:inline-image}}

回想在新秀比賽演繹《再見Puppy Love》（陳百強主唱），欣欣自責選錯歌，她表示只熟悉梅姐歌曲，「我由阿梅開始參加唱歌比賽，我已經覺得呢個女仔好特別，好有自信！因為我性格唔係好有自信，所以覺得佢好吸引，就好似而家『鏡粉』鍾意MIRROR咁；當年我成日去搵阿梅啲嘢（卡式錄音帶等產品、剪報等），好鍾意佢；跟住自己就諗不如參加比賽，其實都係想見吓佢。當喺100個揀15個（參賽者），嗰15個人要上電視，小田哥（黎小田）叫我要揀一隻啱自己形象，所以就搵咗《再見Puppy Love》參賽，我其實想揀《似水流年》……」

【十八年後的終極告白】江欣燕離婚不記恨樂觀人生 「放生兩個人是功德無量」【下一頁】

雖然落敗，但欣欣與無綫簽約，成為藝人，她說：「我諗佢哋想要多元化嘅參賽者，咁啱我係被選嚟去填補嗰個空虛（位）。」其實在中四那年，欣欣未參加新秀前，已在港台電視部工作，她表示：「爸爸同屋企人都好想我讀書，除咗學校活動，我嗜好係古典音樂，有個教友係港台節目高層，佢話『好急要搵一個女仔，好似欣欣咁上下，希望江生（欣欣爸爸）可以畀欣欣放學過嚟拍啲嘢，我哋就佢時間』，就咁樣開始咗我嘅港台生涯。」欣欣沒有因工作而荒廢學業，反而更加努力讀書，笑說：「因為我中一試過留班，所以我唔想再重讀，我會考嘅時候係好勤力，我畫畫攞A、英文有B，仲有C，我想攞個F係好難攞，攞F同攞A一樣咁難！」

顏國樑被誤會與無綫完約即鬆人 心有不忿瀟灑離巢：此地不留人【下一頁】

加入無綫後，欣欣第一個演出是《歡樂今宵》，卻被媽媽拒諸門外，她說：「佢哋好怕我夜返，我住港島區，當年（無綫）喺廣播道，（《歡樂今宵》）完咗都11點15分，地鐵閂12點幾；完咗我唔係即刻走，有時想抹走個妝、換埋衫，所以好緊急，仲要喺門口排隊等小巴落九龍塘地鐵站……因為的士唔係成日有，所以我遲1分鐘，媽咪就鎖門！因為媽咪管得我好嚴，試過有幾次鎖咗門，我咪喺門口喊囉！」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}