古天樂鄭秀文教你應付「三姑六婆」 人紅去拜年最驚親戚做呢件事

不少香港知名外賣平台經常都好揼本請巨星同時下最有話題性嘅新人一齊合作拍攝廣告，而每一次廣告播出都好有noise，網民都大讚「關公做得好」。近日， 有個平台嘅最新廣告就請到古天樂、「試當真」成員許賢、蘇致豪、林家熙（Locker），仲有憑《膠戰》彈起嘅劉沛蘅（Hillary），另外還有陳毅燊（Ansonbean），最後仲有令人意想不到嘅天后鄭秀文（Sammi）出場。

同場加映： 原子鏸誕可愛混血BB視家庭為首 媽媽鄭佩佩身體變差見孫仔開心晒

{{hket:ul-video id="5100"}}{{/hket:ul-video}}

{{hket:inline-image name="14.JPG"}}{{/hket:inline-image}}

廣告嘅主題係農曆新年，古仔召集大家一齊想辦法新年時候到底點應對一班「三姑六婆」，當中Hillary講到被催拍拖、結婚、生仔，相信唔少人都會有共鳴。廣告中許賢同蘇致豪將佢哋嘅首本名曲《係咁先啦》其中一句歌詞變成「食先啦係咁食啦食完再玩啦」，蘇致豪又反串扮八姨婆，睇到人會心微笑；而玩得嘅Sammi同一眾後輩打成一片，今日仲喺個人IG post出合照留言：「堅係拍攝得好開心好齊心」。

而每年新年，都少不免喺屋企打吓衛生麻將，當大家都以為古仔同Sammi呢啲成功人士唔會喺新年畀人問問題考起嘅時候，佢兩個就講到原來佢哋最怕畀人當水魚，被親戚覺得「老奉」要鬆章！佢哋「致敬」古仔都有份演出嘅新年必播電影《嚦咕嚦咕新年財》，同Sammi以及「八姨婆」蘇致豪一齊打牌，以「食」破佢嘅「水魚」陣，唔使畀人撳住搶呀！整條影片長達5分鐘，網民都一致大讚廣告又young又好笑，當微電影咁睇足5分鐘都唔覺得畀人sell緊呀！

圖片來源：截圖

撰文:黃蘊姿