鄭裕玲（Do姐）的電台節目《口水多過浪花》今日播出姜濤的錄音訪問，在節目中，姜濤指自己快將參與籃球劇的拍攝，笑問Do姐想在劇中打甚麼位置？Do姐笑道：「嗱！我要最舒服嘅位置，如果要我打，我打龍門！」姜濤聞後便說：「其實籃球冇龍門，但唔緊要，我覺得Do姐企喺籃球架下面，都可以做到一個龍門，因為你已經靚到……大家入唔到波，淨係睇住你。」逗得Do姐十分開心：「哎呀！真係抵錫㗎姜濤！」
同場加映：IT狗丨Lokman顛覆IT界毒男形象照鬥廢 笑對與Frankie Stanley被列「下弦」
Do姐問到「人氣王」姜濤的過去，後者說：「我一直有個遺憾，或者係我唔自信嘅原因，我冇一個完整嘅中學生涯，覺得好可惜，我讀到中三就走咗……當時我又留班，讀到好冇癮，喺呢間學校冇乜朋友，社工叫我讀其他嘢，其實離開咗……都幾後悔冇珍惜做學生嗰段時光。」姜濤指自己身形肥胖而遭人欺凌，但回想，其實自己的性格亦很有問題，他說：「由細到大，自己內向，我又係一個好肥嘅人。我內心深處有一種唔順氣『點解自己咁肥』……例如大家話我肥，我會攻擊番人哋，可能人哋只係開玩笑，但我就好認真對待，做到好乞人憎，導致外界唔鍾意我，咁我都唔想鍾意你哋；呢種弱智嘅心態令到自己認識唔到太多朋友。」如果能夠回到從前，他又會如何處理？姜濤說：「我會好努力喺嗰段時間減肥，而唔係離開咗中學先減！我都希望學生時代可以靚靚仔仔，因為我內心深處唔甘於做一個肥仔。」
早霸王丨姜濤自爆貪靚照鏡先關心鼻毛 竟然鍾意睇鄉土劇減壓？【下一頁】
MIRROR成員姜濤、陳卓賢（Ian）、呂爵安（Edan）、邱士縉（Stanley）將夥拍宇宙天團ERROR成員郭嘉駿（193）和梁業（肥仔），以及張繼聰、陳安立、練美娟、李敏、吳啟洋和葛綽瑤（Yoyo），拍攝ViuTV原創劇集《季前賽》，今日他們出席開鏡記者會。對於日前爆出搬到筲箕灣獨居，姜濤說：「新居係租，主要係擺嘢，因為舊屋唔夠大，而且每逢節日，銅鑼灣就會好多人，有啲唔方便，所以有時都會喺嗰邊住。如果真係買樓，咁開心嘅事，我一定會同大家講。」Edan就希望「鏡粉」可以給他們空間。提到姜濤拍片為6歲女童天瑜打氣，姜濤坦言希望待疫情好轉，能夠去探望天瑜，他說：「我哋可做嘅都有限，希望畀多啲人知道，我唔確定係咪因為我嘅歌聲令佢有反應，但如果我嘅歌可以幫到人我會好開心。」
ERROR成員｜郭嘉駿梁業32歲生日各自推solo歌 193「自肥」課金邀林明禎做MV女主角【下一頁】
即將踏入25歲的Edan，對於「爵屎」（粉絲暱稱）花6位字為他在某商場的空中花園舉辦關於偶像的展覽，Edan表示很開心，如有時間都會去打卡。提到不少「鏡粉」投訴ViuTV將資源花在新女團COLLAR身上，又指經理人花姐管理不善，Stanley說：「花姐有百足都冇咁多爪！」另外，MIRROR演唱會藍光碟今日推出，坊間已經出現炒價，MIRROR強調不支持及不鼓勵，不過肥仔和193就死纏住他們笑說：「整兩隻嚟炒先啦！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】