姜濤發9字真言勸姜糖不要私追 「請真的給我一點空間」

男團MIRROR人氣高企，被一眾「鏡粉」寵愛，而部份fans過於熱情，經常私追偶像，昨晚，MIRROR經理人花姐（黃慧君）在IG限時動態出post，留言：「感謝大家喜愛舞台上的MIRROR，在舞台下，他跟我們一樣，需要有私人空間和好好休息的時間，才能創作更多好的作品給大家，在互相尊重下，懇請大家不要再進行『私追』。」

同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？

{{hket:ul-video id="5114"}}{{/hket:ul-video}}

{{hket:inline-image name="185373905_761213497919689_82111999190658309_n.jpg"}}{{/hket:inline-image}}

及後，姜濤在IG限時動態出帖留言「請真的給我一點空間」，雖然只有短短9個字，但足以感受到，姜濤對fans的私追行為，感到無助。姜濤未有透露當時的情況，但巧合地，最近有傳媒追訪偷拍姜濤的新居所，以及拍下他在柴灣打籃球的相片，未知是否新居地址曝光，惹來fans的私追。

其實fans私追MIRROR已經不是第一次，「人氣王」姜濤曾經被fans上屋企按門鐘、拍門，其家人受到滋擾，就連姜濤去跑步亦被fans尾隨，當時已有人勸道：「藝人都要有私人空間，都要唞氣，希望私追啲人徹底明白私追唔係愛，係令偶像痛苦嘅行為，放過姜濤啦！」

《調教你MIRROR》證冇鬧人│姜濤語重心長勸退梅窩私追Fans 喜見12子一條心：係MIRROR里程碑【下一頁】

{{hket:inline-image name="220068706_252058726433037_5956008182294138036_n.jpg"}}{{/hket:inline-image}}

去年4月，MIRROR在梅窩拍攝《調教你MIRROR》，fans聞風拉大隊殺入梅窩，導致拍攝工作被迫暫停，隊長Lokman更帶領其他成員走到街上，一字排開勸fans離開，以免阻礙拍攝及騷擾當地居民，當時姜濤說：「其實一直以嚟，好少公開同fans講嘅，例如私追嘅問題，開心大家陪住我哋，但呢個trip，大家行為令我有少少唔開心，我有責任保護你哋，唔想畀我以外嘅人話你哋，與其畀工作人員話，不如我自己講出嚟。事實上冇諗到大家嘅存在會阻礙我哋嘅工作，辛苦大家嘅等候，但希望我哋可以做到雙贏嘅地方，希望你哋返屋企休息，畀少少空間我哋，始終大家繼續留喺度會有危險，希望唔好令我難做，希望大家以後能成為我驕傲嘅一份子。我唔阻止你哋繼續留低嘅自由，但若果私追跟得太貼嘅話，我係唔會作出任何反應畀大家，希望大家快啲離開。」好可惜，至今仍有fans進行私追行為，令姜濤、花姐忍不住再度出聲。

姜濤遺憾冇完整中學生涯 「內心深處有種唔順氣自己咁肥」【下一頁】

{{hket:inline-image name="b87024de-c761-4fd0-8971-c55d3001fb05.JPG"}}{{/hket:inline-image}}

此外，最近有「鏡粉」不滿MIRROR官方帳號管理不善，欠缺宣傳，沒有更新樂壇成績等等。昨日姜濤、Ian、Stanley和Edan出席劇集《季前賽》記者會，MIRROR官方帳號亦只出post留言「#季前賽訪問，大家自己留意報道」，有「鏡粉」認為MIRROR IG的編輯做事不用心，直言很掛住前編輯，豈料現任編輯寸爆回覆：「建議如果鍾意睇舊嘅資訊，你記得cap低佢隨時回味」、「如果你只想在這個page睇到資訊，那我可以和公司反映一下，MIRROR不用出席活動了，只要在IG發布，那應該合你心意」。此事驚動了花姐，搞到花姐要在IG留言「滅火」，她說：「小編其實係好想做得更加好，以後會注意多啲表達方式，雖然係咁，佢嘅回覆都係唔恰當。小編嘅錯，都係我嘅責任。我代佢同大家道歉。我哋會再做好啲歌同IG，令大家可以更了解MIRROR。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="111.jpeg"}}{{/hket:inline-image}}

{{hket:inline-image name="112.jpeg"}}{{/hket:inline-image}}

{{hket:inline-image name="113.jpeg"}}{{/hket:inline-image}}