Coffee爆當年被前度勸離開無綫 拍拖2年分手收場：好似捉姦咁

林芊妤（Coffee）近年從藝人身分，轉行做YouTuber及瑜伽導師，在YouTube分享以瑜伽修身、教大家用運動減肥的影片。日前她在YouTube分享自己的經歷，講述自己如何由依賴的女仔變成獨立自主的女性。她又分享了當年的感情經歷，原來她曾與一位TVB男藝人拍拖，更曾因對方而「瘦到得返排骨」。

{{hket:inline-image name="271897957_670356720664961_8415380877590656182_n.jpg"}}{{/hket:inline-image}}

同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？

{{hket:ul-video id="5114"}}{{/hket:ul-video}}

Coffee表示自己在福建家庭長大，家裡重男輕女，由細到大都被灌輸「男主外，女主內」的家庭觀念。直到Coffee長大後拍拖也是一個倚賴性很強的女朋友，成日都覺得要黐住男朋友，需要男朋友去照顧她，在無形間給了男方很多責任，她說：「我自己就變成咗一個越嚟越小鳥依人，或者覺得自己係一個一無是處嘅女仔。」

之後Coffee提到一位他在TVB認識、拍拖兩年的前男友，「當時我哋差唔多年紀，一齊拍同一套劇認識咗，就開始拍拖。喺我同佢一齊之前，佢嘅名聲唔太好，但我同佢一齊先知啦，佢為我改變咗好多，佢真係好錫我。」

{{hket:inline-image name="coffee5.png"}}{{/hket:inline-image}}

兩人拍拖一年多後，男方覺得自己不適合演藝圈，且不想留在TVB，決定離開，想到內地發展。前男友同時亦想Coffee離開TVB，「佢話唔想我做TVB，覺得呢一行好複雜，又會遇到唔同嘅男仔，佢又介意拍劇可能同男仔有親密鏡頭，有接吻戲等。Coffee表示當時心想兩人一開頭都喺TVB識，點解依家先唔想佢喺TVB做？於是二人因為呢件事鬧分手，分開了兩、三個月。之後前男友離開香港北上發展，Coffee指當時仍很愛對方，更因此「瘦到得返排骨」。

後來兩人復合，Coffee承諾會減少在香港的工作量，並到內地陪男方，又替他執屋、煮飯，但最後兩人並沒有「happy ending」，Coffee沒有講明是甚麼原因導致二人分手，但就指「好似捉姦咁」，似乎暗示當時關係出現了第三者。

Coffee隨後回香港，當時的她沒有錢又沒有事業，她記起好友曾對她說一番話︰「要記住你嘅事業同你嘅錢都係你嘅，但係如果你將你所有嘢都押喺一個人身上，當你冇咗佢嘅時候，你就等於冇咗全世界。」當時她終於醒悟，決定不再成為一個倚賴男仔嘅女仔。「加上當時都真係一個好大嘅傷害，而導致之後發生一連串唔好嘅新聞，其實係一段時間入面不停咁發生。」

遇上「愛情低潮」後，Coffee表示當年決心做老姑婆，「我由嗰一刻開始，我冇再focus喺我嘅愛情上面，我好努力去工作，我好努力去學瑜伽，做瑜伽老師，繼續拍劇，但係又不幸地又發生咗啲嘢，咁我離開咗TVB，當時我真係決定我要做老姑婆啦！我話畀自己聽我唔可以再靠男人，因為男人靠唔住，可想而知嗰陣我個傷害有幾大，但係到我有呢刻諗法嘅時候，我老公就出現咗啦！係咪真係整定？因為嗰時我已經係買埋層樓，諗住同我屋企人住，諗住做老姑婆，諗住呢一世都自己一個好努力工作，然後自己陪自己嘅爸爸媽媽。」

{{hket:inline-image name="coffee9.png"}}{{/hket:inline-image}}

{{hket:inline-image name="coffee10.png"}}{{/hket:inline-image}}

但Coffee搬入新居不夠兩個月就認識了現在的老公翟志榮，兩人拍拖時Coffee無憧憬過要與對方結婚，又指自己曾有顧慮結婚一事，因為覺得二人差異很大。直到有BB，Coffee決定結婚生B。而在二人結婚後，Coffee才發現顧慮是多餘，她大讚老公好好，又好負責任；又指老公改變了一直植根在她心中的傳統觀念，「我老公教識我一樣嘢係，就算有一日佢唔係我身邊，我依然可以好自信咁講我冇咗佢仍然可以繼續生活。」她又澄清老公唔係金龜婿，亦都唔係富二代，指現在與老公係處於一個財政獨立嘅狀態。

Coffee林芊妤囝囝全晚抱實B女唔肯放手 開綠燈叫媽媽生多個：你生啦！【下一頁】