一起走過︳盧惠光被騙拍三級片遇惡頂女主角 堅持老虎蟹都唔露：拍到喊咁滯

盧惠光日前帶同大仔盧俊諺（Jacky）及細仔盧俊希（Jovan），三父子一齊接受港台《一起走過》楊紹鴻、寶珮如訪問。盧惠光在節目內分享拍戲趣事，貴為七屆拳王的他竟曾被「賣豬仔」，被騙到菲律賓拍三級片，女主角貨不對辦，個人衛生習慣又欠佳，搞到他差點兒淚灑片場；又提到人生低潮時要搵錢供樓，並澄清沒有被成龍「炒魷魚」，只是公司解散北上發展，他為照顧兩個兒子拒絕對方邀請，選擇留港工作。

{{hket:inline-image name="241200562_386281379716411_2400423802195341633_n.jpg"}}{{/hket:inline-image}}

{{hket:inline-image name="1024_07c7a6248218e34a3eb610e6fa0bcf91.jpg"}}{{/hket:inline-image}}

同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？

{{hket:ul-video id="5114"}}{{/hket:ul-video}}

盧惠光被很多人誤會是泰國人，原來他是老撾人（即寮國人），直至14、15歲才去泰國生活，「寮國係法國殖民地，嗰時有啲亂，我哋當然要走，要經過泰國難民營，再經領事館去法國。後來我哋去香港探大家姐，最大鑊係自己媽咪，每一次訂好機票，阿媽聽到阿哥話法國好凍就好驚，前前後後訂咗3次機票，阿媽一聽到嗰邊凍就喊……佢一喊就先擺埋張機票，安慰完幾個月又再講，終於不如我哋唔走，反正我哋已住喺香港，唔去第二度。（可以在港定居？）當時香港政府仍有接收難民，咁就唔去法國，同老竇媽咪商量過就唔走，大家住喺香港。」

泰國電影男主角｜盧惠光大仔俊諺Chok爆似朴海鎮 物理治療學士 情歸KOL女友【下一頁】

留在香港發展的盧惠光，因緣際會結識不少伯樂，最後加入娛樂圈工作。問到從影多年來做主角的經驗，盧惠光說：「有部戲被人賣豬仔，去到又話做男主角，女主角又好靚，但原來係拍三級片，費事講戲名……喺菲律賓拍到自己喊咁滯。（要鏡頭前「露股」？）要我露？我老虎蟹都唔露，話剝低少少見pat pat得唔得？嘩，大佬，點見呀，激到我……唔係話拍呢部戲唔開心，你要同我講真話，喺香港睇女主角張相係ok，話喺韓國選美得過第三。我唔係講笑，去到現場見佢篤起隻脚，啲腳趾『裙晒邊』，好似啲人耕完田，我直頭講粗口，問導演係咪玩我先？話呢場戲你嚟做啦……見到啲腳邊黑鼆鼆，我點攬住隻腳上嚟做戲？跟住我攞電話畀導演睇相，話我唔係詐你型，我都要做，但要我剝晒就唔做。」

一起走過︳胡渭康憶梅艷芳昔日豪爽待朋友 食飯唔驚AA制：塞定錢畀你【下一頁】

盧惠光在娛樂圈打滾多年，後來人生遇上低潮期，前妻黎淑賢於2006年提出離婚，2009年又遭成龍公司遺散，他說：「又唔可以講『炒魷魚』，呢度要澄清係解散。嗰時可以講係人生低潮，直頭低到係黐地下，全部嘢一齊嚟，記住有時人遇到唔愉快或當黑，係會一齊嚟，供樓、讀書又要交學費，銀行供樓要幾萬蚊息，點供？打開銀行簿剩番好似夠一半供樓，就喺嗰時佢（楊紹鴻）叫我入亞視拍兩部劇，收咗張20幾萬支票，解決咗好多嘢。（被人「解散」很無奈？）因為當時搞離婚，公司又上晒北京，佢（指成龍）有問我跟唔跟佢上北京，我第一句乜都冇諗就話唔上，我要睇住兩個仔，話我上咗去兩個仔冇人睇，唔上就冇嘢講，就搵人傾解散，冇咩特別，又唔係話炒你魷魚。」

（↓點擊放大睇圖片↓）

提到大仔的英文名叫Jacky，同成龍的英文名Jackie同音，而細仔Jovan亦以J字做頭，足見盧惠光對大哥成龍是忠誠又尊敬，他搞笑說：「Jacky幾好聽呀……後尾散咗有叫食飯，我有帶埋一齊出去，嗰次我特登鬧佢，我好大聲嗌Jacky，講埋粗口。跟住大哥就問咩事，我話唔係叫你，係叫我個仔。」他更解釋大仔英文名是契爺陳自強改的，對方話尊重老闆就改Jacky，笑言現在不開心就可以鬧Jacky。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}