東張西望丨吳幸美勇猛追訪公園猥褻自瀆男 「望住受訪者個頭唔敢亂望」

《東張西望》昨晚一集派出「勇者」吳幸美出動，採訪一宗發生在將軍澳厚德邨的個案。個案中的伯伯經常在公園光天化日下自瀆，而且公園附近有幼稚園亦有球場，不少家長和小朋友路經此地，實在有傷風化。吳幸美與團隊在附近一直守候他的出現，未幾，沒想到伯伯坐在長凳，以腳撐牆，真的趁人少少就做出不雅動作，每當有人走過，他就會停下手。吳幸美睇準時機，衝上前採訪伯伯，伯伯的反應竟超級冷靜！

同場加映：原子鏸誕可愛混血BB視家庭為首 媽媽鄭佩佩身體變差見孫仔開心晒

{{hket:ul-video id="5100"}}{{/hket:ul-video}}

《東張西望》主持｜黃穎君林希靈黃愷怡接連離巢 三位新人頂替 其中兩位係落選港姐【下一頁】

{{hket:inline-image name="hang1.jpg"}}{{/hket:inline-image}}

伯伯沒有驚惶失措，亦沒有拔足逃走，他大方承認自己做出不雅動作，亦知道自己行為不妥當和犯法，只是坐著實在太無聊。當幸美追問他為何要在公園而不回家做這種事，他只識得答：「唔知道！」伯伯神情恍惚，懷疑精神出現問題，他向幸美透露自己無兒無女，在公屋獨居，一直做清潔工，但失業已經一年半時間，表示：「以前有睇過精神科，食嗰啲食完手震震嘅藥，而家冇喇！」

最後，伯伯答應幸美不再做不雅動作，幸美說：「你應承咗喇！如果唔係我哋就報警。」怎料伯伯答應不再犯之後，附近的幼稚園隨即報警，將他拘捕。

東張西望│吳幸美天不怕地不怕成正義Icon 孝順女憶喪父灑淚：佢以我為榮【下一頁】

不少觀眾都在網上大讚吳幸美好勇敢，就算伯伯正在做猥褻行為，都勇字當頭上前採訪，吳幸美接受《晴報》電話訪問，她表示：「其實準備過去做訪問前都有少少緊張，因為我企咗喺牆角睇到佢真係光天化日喺公眾地方有所動作，做不雅行為，我都好驚訝！咁我啲同事都好好，佢哋其實都喺鏡頭後面陪住我訪問！（有冇睇到啲咩？尷尬嗎？）行到埋去時，其實我只將焦點……我望住受訪者個頭，唔敢周圍亂望，咁就無咁尷尬！都冇諗太多，只想做好我嘅訪問，因為好多家長同我哋講，好擔心啲小朋友成日見到佢做不雅行為影響到佢哋！」

伯伯答應幸美不再做不雅行為，幼稚園卻報警將他拘捕，幸美說：「其實唔知道佢究竟點解要喺公眾地方咁做，始終會影響同嚇親人，而啲街坊同幼稚園家長，全部人一直以嚟都唔敢埋去勸阻佢！為咗幫佢哋，我哋去勸阻佢，希望有啲作用！畀當事人知道，咁做係唔啱，希望佢可以明白！而幼稚園方面可能覺得呢位叔叔嘅行為好滋擾所以報咗警，我哋事後先知！擔心伯伯有精神問題，背後有啲不為人知嘅故事同原因先咁做，所以都希望佢得到適切嘅治療、幫助！」

{{hket:inline-image name="hang2.jpg"}}{{/hket:inline-image}}

{{hket:inline-image name="hang3.jpg"}}{{/hket:inline-image}}

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

責任編輯：楊安莉

{{hket:inline-image name="af67c90a-3b52-4522-9e3d-e5d0b6987ef3.jpg"}}{{/hket:inline-image}}

{{hket:inline-image name="8b77edc5-7914-4c3f-bbb1-1faaffd3a3cc.jpg"}}{{/hket:inline-image}}

{{hket:inline-image name="e4356b4d-c11e-41a6-bdd9-a9e3ca2efe9d.jpg"}}{{/hket:inline-image}}