無綫劇集《青春不要臉》以80年代的TVB為背景，並由余德丞、丁子朗、劉穎鏇、戴祖儀、伍樂怡、林正峰、游嘉欣、孔德賢等主演，在昨晚播出的一集，德榮（余德丞飾演）與好友輕舟（丁子朗飾演）報考藝訓班，發現溫楚瑜（戴祖儀飾演）有個藝人父親東叔（鍾志光飾演）。
同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？
昨晚播完後，余德丞、丁子朗、戴祖儀及身在美國的劉穎鏇開Live與觀眾互動，還送寶麗來答謝fans支持。素顏出鏡的戴祖儀獲網民大讚靚女，余德丞更搞笑地讀出其中一個留言：「戴祖儀以後唔好化妝，我覺得你唔化妝靚啲。」不少網民看過兩集後，不禁大讚好看，「好睇好搞笑，好多回憶返晒嚟」、「片尾情節再用《始終會行運》一撞非常之夾，幕後好有心思」。
青春不要臉丨余德丞超肥身形「肉身」原來係... 丁子朗Post倒吊相驚現「動L」【下一頁】
《青春不要臉》監製林肯接受《晴報》訪問，他透露第四集會有飾演姜之雁的劉穎鏇，在港姐競選穿越時空回答司儀鍾景輝問題、並獲1982年港姐亞軍鄺美雲頒獎的的畫面，重現1983年張曼玉在港姐競選的經典畫面，他說：「全劇有九十多個類似鏡頭，劇中藝人演戲插入舊畫面，伍樂怡會同湯鎮業做戲 。」對於劇中不少80年代的大環境畫面均以漫畫呈現，林肯表示：「我哋Budget有限，唔可以學電影《梅艷芳》搭景出嚟，所以刻意用本土風味嘅漫畫風，再加插3D動作，好似廣播道五台山嘅場景，避重就輕增加觀眾投入感。」
青春不要臉｜用完口罩水樽棄郊野公園草地 驚見TVB劇本「可唔可以有啲手尾？」【下一頁】
此外，對於前晚播出的其中一個鏡頭，德榮在電視看一個妍妹（伍樂怡飾演）的床褥廣告，原來這個是專誠翻拍「阿姐」汪明荃當年曾拍攝的床褥廣告，伍樂怡說：「負責錄音嘅同事想我跟足八十年代嘅唱腔同語調，佢哋教我上網搵番原片嚟睇，學番阿姐嘅唱腔，我成首歌都係盡力模仿番阿姐，所以真係有啲難，有啲版本錄出嚟好似走晒音咁，聽番都幾搞笑。」
採訪：Steven
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】