來自《全民造星IV》的女團COLLAR今日接受鄭裕玲（Do姐）主持的電台節目《口水多過浪花》訪問，八位成員邱彥筒（Marf）、沈貞巧（Gao）、許軼（Day）、王家晴（Candy）、蘇雅琳（Ivy So）、陳泳伽（Winka）、李芯駖（芯駖）和蘇芷晴（So Ching）現身直播室。
同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？
Do姐寄語隊長Gao的責任好大，要督促其他隊員，Gao大讚她們很聰明、聽話，Do姐問道：「你哋有冇嗌過交？」芯駖說：「習慣咗喺《造星》嘅時候嗰種心理質素，我哋以表演為先，有乜嘢都會攤出嚟講，講咗就算喇，唔好收埋喺心入面，大家都有共識。」Do姐對女團有所期望，希望COLLAR盡快打好根基，一直發展下去時仍然能夠保持初心。
Marf坦言女團內部一定要做好磨合，互相交流，同時指出自己有小小孤癖，與So Ching在《造星IV》經歷過一些事情，亦與她最為交心。Day則說：「其實大家都幾friend，希望我哋有多啲時間可以一齊玩，撇除工作，真真正正溝通吓，大家再有默契一啲，咁對上台表演都係好事。」
全民造星IV丨女團Collar被網友彈造型待改善 Marf揚言「前夫前妻」通殺【下一頁】
Do姐問到現年35歲的芯駖有沒有包袱？隊中最年長的她說：「我冇乜包袱，本身我對年齡嘅睇法都唔係好傳統嗰隻，唔會覺得年紀大啲就叻晒，年紀細就好多嘢都唔識，從來都唔會咁諗。本身我教跳舞，都好鍾意同學生交流，好似朋友咁。不過壓力一定有，因為會有好多輿論、批評，當然都有好多人支持，特別係我啲隊員，好似喺簽約嗰日，Day見到我，佢喊住話『你成日都話自己唔得，都話你得㗎啦』！」
至於Ivy So直言很依賴Gao，對方亦一直很支持她。而Candy希望世界各地的觀眾都能夠認識COLLAR，她說：「我哋出咗首MV，見到世界各地嘅YouTuber會評論我哋，睇到會好開心，原來其他地方都有留意香港女團嘅誕生。」
女團Collar新歌超有型MV掀話題 網民驚見亞視《百萬富翁》廠景【下一頁】
在COLLAR中，每人都有一個「擔當」，Gao和Marf較為細心，所以會負責照顧隊員，Day笑指自己很大意，是個「小型戰機擔當（會解體）」，芯駖則是養生擔當。Ivy So笑言很喜歡將隊員食剩的食物吃清光，是食量、坦克車擔當，笑言︰「自己忍唔到口，好唔鍾意睇到有食物剩，就算我好滯都好想繼續食……」Do姐聞後帶點驚訝：「哎呀！咪好似金魚？唔得喎，你易肥就要小心啲，萬一跳起舞上嚟，就好似坦克車咁！」Candy指自己有好多鬼主意，經常整蠱隊員，是個智慧型擔當。
眾人閒話家常，So Ching透露經常緊張而要去洗手間，Winka則說：「我鍾意坦白，唔鍾意將唔開心嘢收埋喺個心度，一收埋就變咗心結！」
COLLAR獲重磅式宣傳人氣急升 鏡粉疑不滿向花姐洗版式投訴【下一頁】
最近，Do姐提到COLLAR在3月底舉行演唱會，惟現時只得一首歌，「點開演唱會呀？」Gao說：「其實我哋陸陸續續開會、籌備中，互相分享吓大家平時鍾意聽嘅音樂類型，鍾意睇咩表演，然後同Wing（COLLAR經理人）溝通。」Marf亦幫口說：「我哋有信心，絕對唔會因為得一首歌而會好悶，好dry！」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】