25歲目標︳Edan呂爵安被「姑媽」吳君如突擊催婚 稱未有女朋友：太忙拍拖冇意思

由吳君如、Edan（呂爵安）、鄭中基及梁詠琪合演的賀歲片《闔家辣》，受第五波疫情影響之下，不單止檔期由大年初一暫改至年初四，原定今晚（19日）舉行的首映禮亦被迫取消。而電影宣傳就改以街頭快閃簽海報形式進行，繼日前在柴灣區舉行後，今日君如同Edan連走九龍區三個地方，希望成功取得粉絲集氣，電影能如期在年初四公映。

同場加映：未習慣成名丨COLLAR挑戰變臉時酷時Cute 零偶包互相爆料 邊個係素顏之最？

{{hket:ul-video id="5114"}}{{/hket:ul-video}}

{{hket:inline-image name="IMG_1081.JPG"}}{{/hket:inline-image}}

{{hket:inline-image name="IMG_1090.JPG"}}{{/hket:inline-image}}

今個月21日是Edan的25歲生日，出發前他獲君如在車廂內送蛋糕預祝。被問到今年的生日願望，Edan表示：「希望《闔家辣》年初四可以同大家見面，希望（檔期）唔好推遲多次，唔使再集氣。」被問到今次為何再開Live做宣傳？他續說：「今日本身係我哋首映禮，雖然唔可以同大家見面，但照樣同大家傾吓偈。（對處男電影有無信心？）老實講我都好緊張，未睇過成個完成作品，第一次喺咁大銀幕見到自己出現，如果做得唔好咪好明顯，但君如幫我打咗好多支強心針；唔知道自己做得好唔好，君如叫我放心唔使擔心，所以我信君如。」君如在旁加以鼓勵，力讚Edan今次演得好，指否則自己不會放他上大銀幕，亦不想打爛自己的金漆招牌。

闔家辣︳吳君如着Aerobic舞衣激曬事業線 Edan鄭中基梁詠琪睇到…【下一頁】

提到將踏入25歲，Edan話：「25歲對我來講係一個check point，我出道時21歲，嗰時有諗過25歲係一個目標，希望25歲前後可以做到啲乜乜乜，有畀自己目標要……（君如在旁插咀問成家立室）咁又唔使住，係諗住有代表作，或者有更加多人認識我，有少少成績咁，so far都叫達成到，都開心。」君如之後又提議Edan新年帶女朋友去她家拜年，Edan即笑說：「好呀，如果有嘅。（有冇女朋友仔？）梗係冇，專心工作。（公司有叫低調處理感情事？）其實又冇，佢哋冇話你想拍就拍，又冇鼓勵拍拖；自己未想拍拖住，而家又太忙冇時間去拍拖，拍嚟都冇咩意思，所以專心工作。」有網民即場提議Edan帶「男朋友仔」Anson Lo（盧瀚霆）去拜年，君如開玩笑可以，到時大家可以「HeHe（嘻嘻）哈哈」。

（↓點擊放大睇圖片↓）

此行二人先後去到九龍塘、佐敦及尖沙咀，在街頭即場為電影海報簽名，有粉絲一早在現場守候，亦有追星族包的士隨行，現場氣氛不錯。君如和Edan除了同大家影合照，以答謝眾人到場支持外，又將印有「戲院開番」字句的貼紙，貼在電影海報上，希望《闔家辣》能夠在今個農曆年跟香港觀眾見面。

撰文：梁榮達

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】

{{hket:inline-image name="APP1.jpeg"}}{{/hket:inline-image}}

{{hket:inline-image name="APP2.jpeg"}}{{/hket:inline-image}}

{{hket:inline-image name="APP3.jpeg"}}{{/hket:inline-image}}