余德丞、丁子朗、劉穎鏇主演的無綫劇集《青春不要臉》，演員們在劇中重現80年代的電視台藝員，劇情講述柳德榮（余德丞飾演）和齊輕舟（丁子朗飾演）在80年代投考藝員訓練班之路，有指兩人的角色，分別參照了劉德華和周星馳，雖然《青》劇監製林肯否認，只是將80年代明星的背景和元素投放在他們的角色上，但無綫Facebook「TVB大寶藏」日前就上載劉德華及周星馳昔日在《歡樂今宵》的訪問片段，細談考訓練班的經驗。
同場加映：原子鏸誕可愛混血BB視家庭為首 媽媽鄭佩佩身體變差見孫仔開心晒
《青》劇今晚播映第4集，外界反應好評，不少觀眾都表示「回憶返晒嚟呀！」當然，你要有番咁上下年紀，才能代入其中，懷緬80年代的人和事。對於有傳余德丞的角色是參照劉德華、丁子朗參照周星馳、劉穎鏇參照張曼玉、戴祖儀則參照吳君如等等，資深監製潘嘉德當年曾報考藝訓班，同屆同學有杜琪峯、黃杏秀、李國麟、談泉慶等，他表示看過劇本後大讚編劇很聰明，「唔係寫某個巨星嘅傳奇，而係攞好多人嘅有趣例子，集中某幾個人再表現出嚟，係一個新故事，我自己睇睇吓，都摒棄咗對號入座，我唔理係影射邊個，而係一個80年代鼓舞故事。」
青春不要臉丨余德丞超肥身形「肉身」原來係... 丁子朗Post倒吊相驚現「動L」【下一頁】
無綫Facebook「TVB大寶藏」日前上載劉德華和周星馳入訓練班之路的片段，留言指「余德丞、丁子朗喺《青春不要臉》劇中趁青春追夢，大膽報考藝員訓練班，一如昔日嘅劉德華同周星馳；相比劉天王報考一擊即中，當年星爺嘅訓練班之路卻帶點崎嶇，最後都係有賴貴人相助先得以成為訓練班學員。」片段中，是1994年周星馳在《歡樂今宵》接受黃霑（霑叔）的訪問，重提與梁朝偉一起去報考訓練班，周星馳笑說：「就係大家話不如去考訓練班，然後大家就去考訓練班。」霑叔踢爆他：「好似係你想去考，但又唔太敢，咁就拉個老友落水，其實就唔想偉仔得，想自己得喎，我收到嘅料就係咁。」周星馳笑著否認笑說：「唔係，係我講先啫，但我一講，佢即刻話『我又係想咁』，大家都有咁嘅諗法，我仲清楚記得佢話『如果畀我唔覺意...』，我心諗『咁易咩』，結果係佢考到，我考唔到，因為嗰陣時我識戚美珍，佢係我哋啲朋友，佢當時已經做緊電視劇，佢就幫一幫我，我就入咗去（藝訓班），即係想考，然後考唔到，終於入咗去。」周星馳能考入訓練班的經過，跟齊輕舟有點相似。
青春不要臉丨劉穎鏇穿越時空重現張曼玉選港姐 伍樂怡模仿阿姐拍床褥廣告【下一頁】
至於劉德華在1990年《歡樂今宵》訪問中，他指有同學拿了10張報考藝訓班的表格，於是7個朋友仔一起報名，最後只有他被取錄，劉德華說：「訓練班會學演戲、唱歌、燈光，甚至乎攝影、劇本，每樣嘢都要去學，大家嘅心態係希望學咗所有嘢之後，以後無論撞到咩嘢，邊個崗位，都可以發展落去，所以喺訓練班嘅時候，我諗大家抱住一個態度係，盡量將所有喺學校裡面，可以畀到我哋就盡量學，訓練班出嚟有黃日華、苗僑偉，佢哋比較快啲，我喺訓練班出嚟之後就冇乜嘢做，當大家都已經做過劇集嘅主角，先至開始有『五虎』，最後一個出現應該係梁朝偉，我哋當時五位一體，是但冇一個都唔成『五虎』，行埋一齊就要畀一個好節目或者好表演大家睇到。」
撰文：黃曉妍
U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】