信和商場「齊心抗疫三重賞」 回贈高達50%

因應疫情關係，政府禁晚市堂食至年初三（2月3日）。公關姊妹同黛安講，信和集團為旗下6大商場，包括屯門市廣場、奧海城、荃新天地、中港城、黃金海岸商場、尖沙咀中心及帝國中心，由即日起至2月3日會加碼推出「齊心抗疫三重賞」，回贈高達50%㗎！

姊妹話，S+REWARDS會員喺場內以電子貨幣於指定餐飲商戶單一消費滿$200，並成功登記點數，即可獲1張$50美食S現金券；下午6時後，會員喺場內以電子貨幣單一消費滿$300，即日成功上載及登記點數，更可獲$100 S現金券一套；下午6時後泊車（以進車時間計算）及於指定商場及餐飲店，即日以電子貨幣單一消費滿$100，仲有額外1小時免費泊車㖭。